O filme “Ponyo” abre o ciclo de cinema de Nadal en Bueu

Este mércores, 27 de decembro, comeza o ciclo de cine de Nadal organizado pola concellaría de cultura no Centro Social do Mar de Bueu. Esta tarde poderá verse a partir das 17.00 horas o filme "Ponyo en el acantilado", que conta a historia de Sosuke, un rapaz de cinco anos, e da súa relación cunha princesa peixe que desexa converterse nun ser humano.

As proxeccións continuarán o sábado 30 de decembro, á mesma hora, con "Kubo y las dos cuerdas mágicas", e o 4 de xaneiro con "El viaje de Arlo". Todas as sesións serán de balde ata completar aforo (previa retirada da entrada na billeteira, que abrirá media hora antes).

Másnoticias

Vermú, música y un mercadillo de segunda mano abierto a todo el mundo en Moaña

13/06/2025

Lanzan más autobuses para ir a las playas de O Morrazo y un servicio nocturno Baiona-Vigo

13/06/2025

Para a rapazada tamén se organizan os Obradoiros e Xogos polo Nadal, no que poderán participar os nenos e nenas de 3 a 12 anos, que terán a oportunidade de xogar e aprender sobre as tradicións de Nadal, ata o 5 de xaneiro na sala multiusos do Centro Social do Mar en horario de 10 a 14 horas.

Este mércores están programadas ademais outras actividades, como a presentación do libro Septiembre puede esperar de Susana Fortes. Este acto, organizado pola Libraría Miranda, terá lugar no salón de actos do IES Johán Carballeira a partir das 19.00 horas.

E para os máis cinéfilos, o Cineclub Bueu proxecta ás 21.00 horas a película Una vez fuimos salvajes, de Carmen Bellas. En versión orixinal castelá, a cota de entrada para socios/as será de 2.00 € e de 4.00 € para os non socios/as. O filme é unha conversa imaxinada entre a autora e o barrio de San Cristóbal, situado na periferia de Madrid. É un xogo constante entre formas e fondo, que enfronta os prexuízos da narradora coas emocións do espectador que a acompaña; un percorrido libre e suxestivo que abandona de maneira progresiva o documental clásico e transfórmase nun ensaio en primeira persoa.