Ponteareas organiza unha carreira de orientación para cativos no Parque do Castelo de Sobroso

Coñecer a vexetación, recoñecer as especies invasoras, valorar o medio natural e, ademais, pasalo xenial. Ese é o plan que propoñen dende o Voluntariado Municipal de Ponteareas (Voltea) para o vindeiro domingo, 15 de outubro.

A actividade, pensada para nenos e nenas de entre 9 e 11 anos, é totalmente gratuíta e busca que a rapazada aprenda “dun xeito entretido e deportivo os diferentes aspectos relacionados co medio ambiente”, segundo apuntan dende o Concello de Ponteareas. Terá lugar ademais nun espazo único, no parque do Sobroso, aos pes do Castelo de Sobroso.

Másnoticias

Estos son los mejores lugares para desayunar en Ponteareas, tres opciones para una escapada gastro

16/06/2025

Mercadona anuncia los nuevos horarios de sus supermercados en Galicia para la temporada de verano

16/06/2025

Como inscribirse?

Todos aqueles pais que queiran anotar aos seus fillos e fillas deberán chamar ao teléfono da oficina de voluntariado (687 764 516 ou 677 525 930) ou achegarse até o Centro Social da rúa Oriente. Por cada dous nenos deberá asistir un adulto que os acompañe.