Celebra o aniversario de Rosalía de Castro con este roteiro de balde pola súa vida en Vigo

O Servizo de Normalización Lingüística de Vigo volver organizar, un ano máis, un roteiro literario que percorra a vida de Rosalía de Castro na urbe galega. A cita, que se celebrará o sábado, 23 de febreiro, na véspera do seu nacemento, é totalmente de balde.

A actividade, que non precisa de inscrición previa, estará guiada por Xurxo Martínez e levaranos a coñecer a cidade no século XIX, os cambios sociais e políticos producidos tras a Reconquista.

Durante o percorrido coñeceremos o esforzo dunha elite intelectual viguesa que se ofreceu á cultura e descubriremos os lugares concretos das persoas que tiveron relación directa coa publicación de “Cantares gallegos” como a familia Chao ou Juan Compañel.

O itinerario pasará polas prazas do Peñasco e da Constitución, polas rúas ChaoReal e Oliva. Na ruta terán un lugar destacado a imprenta de Compañel, a biblioteca pública, a imprenta do Faro de Vigo ou a sede do goberno provincial.

paseo literario polo Vigo de Rosalía será unha viaxe pola cidade dos nosos devanceiros que nos axudará a completar o relato de cidade traballadora e industrial xa que Vigo tamén foi, e é, cidade cultural.

Para participar abonda con estar o 23 de febreiro ás 11.00 horas no Paseo de Afonso, ao carón da Oliveira.

Deja un comentario

Tu dirección de correo electrónico no será publicada. Los campos obligatorios están marcados con *

*