Planes Dezaseis anos de andaina solidaria percorrendo o Miño e o Monte Aloia Ángel Vila el 23/04/2019 Más en Planes: Los secretos de Baiona, se descubren este verano con visitas guiadas gratuitas 08/07/2020 Nigrán abre el plazo de inscripción para su ruta por As Medoñas 08/07/2020 Playas de Cangas: descubre los cinco arenales sin restricciones de acceso rodado 07/07/2020 Un ano máis, e van xa dezaseis, o club deportivo Andatui celebrará a súa andaina solidaria que combina a acción deportiva, o turismo e a axuda aos que máis o precisan. A cita, que terá lugar o sábado, 18 de maio, manterá as inscricións abertas até o 13 de maio. A andaina tudense solidaria percorrerá de xeito circular a contorna do casco urbano, saíndo das beiras do Miño para chegar até o Parque Natural do Monte Aloia e as súas incribles vistas sobre o Baixo Miño grazas aos sendeiros de Areas e Randufe. Tras unha parada para o xantar, os participantes baixarán cara Rebordáns para enlazar co camiño Portugués, pasando polo mosteiro das Clarisas, a Catedral e o parque do Penedo. A andaina ten un percorrido total de 25 quilómetros con avituallamentos cada 5 quilómetros. Finaliza ás 18:00 horas no Centro Interfederado de Tui, ao carón do Miño, onde se celebrará a tradicional chourizada, xogos populares e sorteo de agasallos. O custe de inscrición é de 10€ até o 1 de maio e de 12€ até o peche de inscricións, o 13 de maio. Amais, a acción solidaria irá destinada a SOS Tomiño Baixo Miño, polo que na recollida do dorsal os participantes deberán entregar 1 quilo de alimentos non perecedoiros.