O Rosal establece medidas especiais de prevención nas súas zonas de baño e lecer

O Concello do Rosal segue a prepararse para a “nova normalidade”. Co obxectivo de garantir a seguridade e saúde das veciñas e veciños, o municipio baixomiñoto establece unha serie de medidas de prevención nas zonas de baño e de lecer. Deste xeito, tanto na praia de Eiras como nos distintos espazos que se atopan situados ao longo do río, estará permitido o baño lúdico e deportivo, aínda que neste último caso só de xeito individual.

Tanto na area como nas diferentes zonas de esparexemento as persoas deberán manter a distancia mínima de seguridade de dous metros e, en caso de empregar parasois, estes deberán colocarse a un mínimo de catro metros un doutro. Ademais, recoméndase a todas as persoas que non anden descalzas ou descalzos nos accesos á praia ou ás zonas de lecer.

Másnoticias

Una televisión o un deshumidificador, el botín del ladrón que se coló en una casa de Tomiño

04/06/2026

Tui abre el plazo para solicitar cinco viviendas de alquiler social: estos son los requisitos

03/06/2026

En canto ao número de persoas que se poden reunir, prégase seguir as recomendacións das autoridades sanitarias e non exceder o máximo permitido en cada momento a nivel estatal. Para dar a coñecer todas estas medidas instaláronse carteis informativos tanto na praia de Eiras como noutros espazos de baño e esparexemento empregados habitualmente pola veciñanza.

Dende o Concello apélase á conciencia e responsabilidade individual de cada veciño e veciña para poder desfrutar destes espazos de lecer con total seguridade e garantías para a saúde de todos os rosaleiros e rosaleiras.