Oportunidade única para camiñar pola Ruta Máxica de Oia

O tempo por fin permite gozar da Ruta Máxica de Oia. A andaina foi programada para dar comezo as Andainas organizadas polo Concello da Guarda e Caminha, pero debido ás malas previsións metereolóxicas do mes de marzo foi aprazada.

Finalmente, a actividade terá lugar este sábado 26 de maio. A ruta estará guiada pola Asociación Costa dos Castros. A Ruta Máxica de Oia percorre uns 18 quilómetros da Serra da Groba pasando polas parroquias costeiras deste concello.

Másnoticias

El mercado de Oia estará listo este mismo año con una imagen renovada

12/04/2025

Fiestas, orquestas o ferias, los planazos en el área de Vigo y Portugal para el primer finde de Semana Santa

11/04/2025

A andaina comezará no miradoiro da Pedreira onde se atopan petróglifos e continuará coñecendo outros gravados rupestres ata chegar ao río Broi e ao espazo natural das Sobreiras do Faro, o bosque mediterráneo máis occidental. Despois ascenderase ata o Castro do Cano do Mouros e as Pozas de Mougas onde se realizará o xantar. Nesta última parte do percorrido descenderase ata o Castro de Cabeziña. A ruta rematará na estrada PO-552 onde se atopa o Camping O Muiño.

Os interesados en participar na Ruta Máxica de Oia deben confirmar a súa asistencia na Oficina de Turismo do Concello da Guarda ou a través do teléfono 986 61 45 46 ou do mail turismo@aguarda.es.