Un roteiro polas praias de Vigo para afondar nas lendas e mitoloxía da cidade

O Servizo de Normalización Lingüística do Concello de Vigo organiza un novo roteiro apoiado na colección literaria de "Historias para coñecermos Vigo". Neste caso, a cita percorrerá a beleza das praias viguesas para cruzar Toralla e camiñar os areais do Vao, do Baluarte e da Fontaíña.

Xunto ao escritor Santiago Lopo, autor de A voz das nereidas, os asistentes poderán afondar no contraste de dous xeitos de entender a vida representados polas praias e a cidade. O mundo máxico da mitoloxía ou das lendas.

Másnoticias

Ponen al Álvaro Cunqueiro como ejemplo de excelencia al abordar patologías neurovasculares

17/09/2025

Arrancan en Vigo las obras para crear la nueva grada del Parque Nelson Mandela

17/09/2025

Durante o camiño realizaranse paradas e o autor falará dos lugares onde se desenvolve a novela, da historia de illa de Toralla, do Vigo romano, da tradición mariñeira, dos areais e da toponimia da zona. Tamén se lerá algún extracto da novela.

A visita guiada terá lugar o sábado, 15 de setembro, con saída ás 11:00 horas dende a entrada na ponte de Toralla. A duración aproximada é de unha hora e media e a participación é gratuíta.

Como anotarse?

Os interesados poden anotarse até completar as prazas ofertadas chamando ao teléfono 986 81 02 81 de 9:00 a 13:130 horas facilitando nome, apelidos e teléfono de contacto.

A iniciativa forma parte dos roteiros que o Concello de Vigo organiza xunto aos oito autores da colección "Historias para coñecermos Vigo", que repasa o pasado de diferentes barrios da cidade para reflexar a identidade histórica viguesa. Con esta colección achégase aos homes e mulleres de dentro e de fóra ese Vigo moderno, plural e creativo, que se está facendo  si mesmo decote, mirando ao porvir sen perder de vista que e como fomos.