A chuvia volve modificar o "Moaña de Tapa en Tapa" que se prolongará até finais de abril

A chuvia volve modificar o “Moaña de Tapa en Tapa”. A programación do roteiro de petiscos do concello do Moaña, no que cada día un dos establecementos participantes ofrece a súa particular creación gastronómica xunto cun concerto de música en directo, vén de modificarse case por completo.

As malas previsións meteorolóxicas obrigaron a repensar as datas anunciadas nun inicio co gallo de garantir unha mellor experiencia tanto aos asistentes como aos artistas que interpretan os seus temas en directo.

Másnoticias

Archivada la causa contra un edil del PSOE de Cangas investigado por usurpación de estado civil

08/07/2025

Múltiples accidentes en el entorno de Rande colapsan la salida de Vigo en plena hora punta

03/07/2025

Así, hoxe mércores será a última cita que se manteña das anunciadas inicialmente. O Burguer Piscis ofrecerá esta tardiña cinco tapas a un prezo de 2,5€ cada unha coa música de 2 con 2, grupo de versión pop, rumba e flamenco. O horario de tapeo será, como de costume no evento, de 20:00 a 23:00 horas.

A continuación, a cita coas tapas prevista para este xoves, día 29, venres, 30, e sábado, 31, aprazaranse até o mes de abril, xunto coas dúas primeiras paradas xa adiadas no comezo do “Moaña de Tapa en Tapa”.

A nova programación será a seguinte. O venres, 6 de abril, en A Camelia, Alén e Cibeles con “2 con 2”; o sábado, 7 de abril, en O Palito, con “Pepe Chiné”; o venres, 13 de abril, en A Camelia, Alén e Cibeles co “Grupo Ámbar”; o sábado, día 14, en O Canario con “Sergio Ariel”; e por último, o venres, 20 de abril, no 14 de maio coa música de “Al Vila”.

O roteiro de tapas mantén os prezos (2,50€) por tapa, o horario (de 20:00 a 23:00 horas) e os petiscos inicialmente previstos.

Como queda o "De Tapa en Tapa"?

• A Camelia, Alén e Cibeles (6 de abril): empanada, salpicón de marisco, tortilla ou fideuá.
• O Palito (7 de abril): Churrasco, fabas con polbo, bacallau á biscaina, croquetas caseiras, porco agridoce ou mexillóns tigre.
• A Camelia, Alén e Cibeles (13 de abril): mexillóns en vinagreta, empanada, tortilla ou arroz con choco.
• O Canario (14 de abril): Callos, fideuá con polo ou tenreira guisada con patacas.
• 14 de maio (20 de abril): Tosa de foie-gras caramelizado, carilleras ao viño tinto ou tetilla de froitos vermellos.