A Clásica de Vigo iniciará a tempada de verán cun concerto de balde na Concatedral olívica

A Clásica pecha a temporada Escoitas e inaugura os concertos de verán coincidindo co Día Europeo da Música, que se conmemora o 21 de xuño. O tradicional concerto da orquestra para festexar este día tan especial co público será o domingo 25 de xuño, ás 13:30 horas, na Concatedral de Vigo.

Seguindo co lema da temporada que remata, a Clásica propón neste programa contrapoñer dúas escoitas: o clasicismo de Mozart en Salzburgo e o nacionalismo de Grieg. Ademais, a orquestra tamén prepara unha sorpresa para completar o evento, no que o importante é compartir e achegar o amor pola música a todos os públicos, así como sacar a música clásica dos espazos máis convencionais, unha aposta clara na liña estratéxica da Clásica.

Másnoticias

Trasladado al hospital de Vigo un hombre al que le cayó un árbol mientras cortaba madera

14/09/2025

La 'estafa del alquiler' llega a juicio en Vigo, le acusan de cobrar 1.200 euros de fianza y no entregar el piso

14/09/2025

A entrada é de balde previa retirada de convite na plataforma Enterticket. Ademais, en caso de quedar espazo dispoñible ese día, tamén se poderá acceder por orde de chegada ata completar a capacidade.

"A conmemoración do Día Europeo da Música convértese nunha xornada festiva aberta á cidade na que non importan as etiquetas", sinalan dende a agrupación.