A primeira noite de xullo despídese na Sala Ártika

Xullo xa forma parte das nosas vidas. Ademais das Festas da Coia, a primeira noite do mes tamén se pode gozar baixo teito, concretamente na Sala Ártika. O local situado no número 113 da Avenida de Beiramar continúa na tarde/noite do domingo con dúas interesantes propostas para os amantes do teatro, "Episodio I: Mirlo y Rula" e "Gypsy Lacé".

A primeira será "Episodio I: Mirlo y Rula", que terá lugar ás 20:00 horas. A peza trata dun home silandeiro (Mirlo) e unha muller soñadora (Rula). As dúas personaxes cruzarán os seus destinos nunha fuxida inesperada por culpa dun segredo a voces, unha fuxida tinguida de intriga e sangue nun mundo en desequilibrio coa natureza e os dereitos sociais e ateigado de corrupción política. A peza, duns 60 minutos de duración, está recomendada para idades xuvenís e tamén para adultos.

Másnoticias

Aplazado el juicio a dos supuestos autores de un atraco en Vigo, que se enfrentan a 5 años de cárcel

Un juzgado condena en Vigo al SEPE a indemnizar con 5.000 euros a una mujer

04/06/2026

Vigo se llena de conciertos gratuitos en el chiringuito "con la mejor puesta de sol del mundo", nuevas fechas

El chiringuito de Vigo "con la mejor puesta del sol del mundo" desvela sus nuevos conciertos

04/06/2026

Pouco despois, ás 23:00 horas, o cabaret chega á Sala Ártika. Miss LaCé está de volta na cidade cun novidoso espectáculo permanente que inundará a sala viguesa da mellor picardía, sensualidade e glamour nunca vistos na urbe galega. "Gypsy Lacé" é un show con artistas convidados como a gran Lady Dramakuin, que acompañarán á anfitrioa xunto a Rony Flamingo e moitas sorpresas máis. O recital durará arredor de 60 minutos e está destinado a maiores de idade.

As entradas para calquera dos dous espectáculos teñen un prezo de 8 euros de xeito anticipado na plataforma de Ticketea, sen contar os gastos de xestión, e de 10 euros no despacho de billetes.