As ancestrais Danzas de Reis volverán encher de cor o Nadal de Ponteareas

Danzantes e damas volverán encher de ledicia, cor e música o Nadal de Ponteareas. O goberno municipal quere recuperar esta cita histórica coa celebración do I Festival Internacional de Danzas de Reis, co que por en valor esta mostra da cultura local e manter vivos os seus sinais de identidade.

A cita, que se celebrará o domingo 23 de decembro a partir das 17:00 horas , eríxese como a primeira da Península exclusiva para este tipo de danzas, Arrancará cunha recepción no Concello para dar paso a unha ruada polo centro urbano e chegar ao auditorio municipal arredor das 17:30 horas, para comezar as actuacións dos cinco grupos participantes.

Másnoticias

La orquesta París de Noia desvela todas sus fechas en Galicia en junio, varias en el área de Vigo

03/06/2026

Piden 4 años de cárcel para dos acusados de robar en viviendas del área de Vigo con diferentes tretas

31/05/2026

O Rancho de Reis de Guláns, o Rancho de Fozara, o de Santiago de Oliveira, o Rancho de Reis da Feira de Salceda de Caselas e o Rancho Pauliteiros de Miranda (Portugal) ofrecerán ao público unha lección de historia coa recuperación de traxes, músicas, cantares e movementos típicos das datas de Nadal nas que a veciñanza ía dunha parroquia a outra anunciando a chegada do día de Reis.

Ataviados de branco, os homes con gorros de cores adornados con espellos e plumas e as mulleres con sombreiros de palla con flores de cores, os mozos e as mozas visitaban as parroquias veciñas danzando “castañetas, palillos, arquiños e vestir o pao”. Catro danzas ancestrais que o Rancho de Guláns sempre mantivo vivas sen cesar a súa actividade ao longo da historia da parroquia.

Castañolas, gaitas, bombo e pandeireta servían a esta mocidade para celebrar a chegada dos Reis alegrando con cintas de cores as súas vestimentas e instrumentos.

Por vez primeira na comarca

Os Pauliteiros de Miranda chegan dende Portugal por vez primeira á comarca coa súa danza guerreira chamada “dança dos paus” acompañados de gaitas de foles e bombo na que só os homes bailaban, aínda que recentemente se incorporaron as mulleres.

Con máis de vinte anos de percorrido, os Pauliteiros de Miranda son unha das principais atraccións do nordeste transmontano e contribuíndo na divulgación destas danzas brancas tan particular das terras de Miranda que levan por romarías, festas e diferentes actividades organizadas en todo o mundo.