As Neves será por unhas horas o epicentro do cinema galego. O municipio pontevedrés acolle a presentación de María Solinha, un proxecto inédito, galego e en galego, que pasará polo concello o vindeiro martes 4 de agosto. A proxección, que terá lugar en formato de cinema de rúa, será na Praza de San Agustín a partir das 22:30 horas e contará con espazo de photocall.
Coa longametraxe “María Solinha”, o director Ignacio Vilar (A esmorga ou Vilamor) leva á gran pantalla a lenda dunha muller icónica, condenada pola Inquisición, cun relato que se move entre o século XVII e o XXI.
Grial Montes e Laura Míguez protagonizan a versión contemporánea da lenda dunha figura visionaria cuxo anhelo de liberdade a converteu en icona feminista. Ademais, o carismático reparto conta co nomeado ao Premio Goya Santi Prego (Mientras dure la guerra), co gañador do Premio Feroz Antonio Durán 'Morris' (Fariña, Dhogs) e coa veterana intérprete Mabel Rivera (Mar adentro, Los fantasmas de Goya).
O prestixioso músico lugués Abraham Cupeiro asina a música do filme, na que incorpora instrumentos milenarios coma o cárnyx ou a caracola. A concelleira de Cultura, Rocío Barreiro, remarca que "a proxección se realizará cumprindo con todas as medidas de seguridade e sanitarias", e convida a asistir e gozar deste proxecto cinematográfico.
O martes 23 será o día máis internacional da Miteu coa participación da compañía colombiana Sin mente teatro
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL