As Tanxugueiras regresan á Sala Rebullón coa súa xira "Contrapunto"

Tanxugueiras incrementa as revolucións do folk galego. Co seu disco de debut, un repertorio escollido para amosar a esencia da tradición, Olaia Maneiro, Sabela Maneiro e Aida Tarrío chegaron a máis de 100 escenarios dentro e fóra das nosas fronteiras. Unha aposta sen corsés enchida de virtuosismo e contundencia que continúa no seu segundo traballo, Contrapunto. Un disco que incide na recuperación da tradición das pandeireteiras e a integran con harmonías de diferentes estilos e situar á música galega en novos escenarios. Tanxugueiras son renovación, reinterpretación e revolución para a tradición musical de Galicia.

As Tanxugueiras regresan esta fin de semana á Sala Rebullón de Mos para repetir a experiencia de hai case un ano, cando deu comezo a xira de “Contrapunto”. O recital terá lugar este domingo 25 de outubro ás 20:00 horas. A apertura de portas será ás 19:00 horas. A entrada anticipada pódese adquirir por 15 euros na plataforma Enterticket (premer aquí). Hai que lembrar que o aforo de concerto será limitado.

Másnoticias

O Porriño pone en marcha un contrato global para renovar el pintado vial de todas sus carreteras

19/07/2026

La final del Mundial también se vive en O Porriño, tendrá pantalla gigante para ver el España - Argentina

17/07/2026

En canto ao álbum, a vida ten dúas caras. Ten momentos contrapostos, que saben ás veces doce e ás veces amargo. Unha dualidade inevitable que equilibran con tento e delicadeza, con forza e carácter, as Tanxugueiras. Sangue novo para revitalizar e actualizar a tradición da música oral do país, unha formación que no seu segundo disco consegue dar unha nova vida e un novo significado as coplas que se cantan dende antigo en Galicia. Contrapunto é un disco de dez temas siameses, cinco caras e cinco cruces de diferentes momentos da vida narrados a través das letras que as pandeireteiras mantiveron vivas ata hoxe. Palabras con pasado para describir o presente a través de voces destas tres mozas e de sonoridades de diferentes estilos. Unha proposta que expande as posibilidades da música tradicional e a sitúa a base de forza e empoderamento nos mesmos escenarios que estilos como o pop ou o indie.

O seu segundo traballo, que leva por título Contrapunto, publicouse en novembro de 2019, da man de Calaverita Records e PlayPlan, coa colaboración da Agadic (Consellería de Cultura e Turismo da Xunta de Galicia)» e Xacobeo 2021.