As voces de Mistura Vocal e o swing de The Swinging Flamingos despiden o ano en Tui

Boa música e un ambiente de positivismo e alegría para pechar o 2017 e dar a benvida ao novo ano como se merece. Esta é a proposta da Asociación Cultural Betún e o Concello de Tui para este sábado, 30 de decembro. Nunha cita xa habitual, o concerto de fin de ano de 2017, contará este ano coas voces do coro Mistura Vocal e co swing elegante do grupo The Swinging Flamingos.

A cita, que estaba prevista inicialmente na Praza da Frómista, se celebrará finalmente no interior do local da asociación, en pleno conxunto histórico tudense (rúa Cuenca, 82) debido as previsión de chuvia.

Másnoticias

Transportes avanza en el 'AVE' Vigo-Oporto y contrata el estudio del trazado de O Porriño a Valença

14/10/2025

La Casa da Cultura, símbolo de la transformación de Tomiño, ya tiene fecha de apertura

11/10/2025

O evento arrancará ás 19:30 horas con Mistura Vocal, coro dirixido por Aloia Martínez e especializado na música galega contemporánea. Pola súa parte, The Swinging Flamingos buscan trasladar a un formato reducido a esencia das grandes big bands norteamericanas. Formado por Antonio Otero (voz e saxo tenor) Álex Salgueiro (órgano Hammond) e Chus Pazos (batería), o grupo trasládanos á Nova Orleans dos anos 20.

A entrada é de balde para os socios. A Asociación Cultral Betún organiza ao longo do ano concertos todas as fins de semana, ademais de eventos especiais no Conxunto Histórico de Tui. A cota de socio é de 2€ anuais no caso dos denominados “socios betas” e de 5€ mensuais no caso dos betuneiros.