Así é Retapas: 34 petiscos como previa á Reconquista de Vigo

O Casco Vello prepárase para viaxar a 1809 e revivir a expulsión do Exército Francés coa Reconquista 2018. Namentres esperamos a que chegue unha das festas máis importantes da cidade, que este ano trasládase ao 7 e 8 de abril para evitar a súa coincidencia coa Semana Santa, os hostaleiros do Casco Vello de Vigo organizan unha nova ruta gastronómica. Nace Retapas.

Da man da Asociación Casco Vello de Vigo, esta primeira edición do certame gastronómico Retapas conta coa participación de 34 locais do conxunto histórico vigués que, entre o 14 e o 25 de marzo, compiten por ofrecer o seu mellor petisco.

Másnoticias

Un incendio calcina la terraza de un bar del Casco Vello de Vigo y afecta a varias viviendas

18/05/2025

Arrancan las obras del nuevo hotel en el Casco Vello de Vigo con terraza y "asombrosas" vistas a la ría

17/05/2025

As tapas desta edición foron creadas ex profeso e na súa elaboración contan, polo menos, cun produto pertencente a algunha Denominación de Orixe ou Indicación Xeográfica Protexida de Galicia.

Como funciona o Retapas?

O roteiro de Retapas dividese en cinco itinerarios con entre seis e sete establecementos participantes. As rutas son Porta do Berbés, Porta do Mar, Porta da Falperra, Porta do Sol e Porta da Gamboa.

Cal é o prezo de cada tapa?

Todas as tapas teñen un prezo común de 2€. Ademais, cada establecemento participante suxeriranos acompañalas cunha maridaxe concreta. Neste caso, o prezo da bebida será determinado independentemente por cada un deles.

Existen premios?

Os locais participantes competirán por facerse coa “Mellor Retapa 2018” e “Mellor Retapa con maridaxe 2018”. Porén, tamén hai premios para os asistentes. Todos aqueles que consuman unha tapa de cada zona ou itinerario entrarán no sorteo de 25 lotes de produtos das empresas colaboradoras.

Cando se celebra?

O I Certame Gastronómico Retapas de Vigo celébrase entre o 14 e o 25 de marzo, como previa á Reconquista 2018.