Budiño, primeira confirmación do Festival Intercéltico do Morrazo

O Intercéltico do Morrazo vai abrindo boca. O festival de Moaña, que este ano celebrarase entre o 26 e o 28 de xullo, vén de anunciar a súa primeira gran confirmación e, como non podería ser doutra forma, chega con “selo local”.

O gaiteiro moañés, Xosé Manuel Budiño, será o cabeza de cartel da segunda xornada do Intercéltico, o venres, 27 de xullo. O seu concerto escaravellará na memoria dos asistentes para volver ao seu primeiro disco, Paralaia, un clásico na música folclórica galega.

Másnoticias

Hacen una barbacoa en mitad de una de las playas más famosas de las Rías Baixas: "Una barbaridad"

10/07/2025

Un ciclista resulta herido grave tras ser atropellado por un coche en Cangas

10/07/2025

“Un artista atípico”, coma el mesmo se define, que repasará a súa carreira (seis discos publicados= como músico e compositor nunha cita de obrigada asistencia. Budiño estará acompañado no escenario dalgúns dos mellores músicos de Galicia. No violín estará Cibrán Seixo; na guitarra, Tato Vázquez; na batería e percusión, Ton Risco; no baixo, Fran Sanz; no trombón e bombardino, Antonio Rodríguez e no acordeón, Santi Cribeiro.

Budiño álzase así como a primeira confirmación dun festival que este ano promete un cartel de luxo. O gaiteiro moañés formouse na Escola de Gaitas Semente Nova de Moaña e na Universidade Popular de Vigo e durante máis de 20 anos está a achegar a cultura e música galega a lugares tan dispares como Siria, China, Beirut, Noruega ou Colombia.

Dende o Concello de Moaña confirman esta actuación coa “honra de poder contar cunha das nosas figuras artísticas máis relevantes, referente indiscutible na música folk”.