Este venres, 25 de marzo, chega ao Teatro Municipal de Tui o espectáculo “Rosalía” da man de Culturactiva. Este espectáculo pecha a programación dos meses de febreiro e marzo neste espazo.
A obra, que comezará ás 19:00 horas, achéganos á infancia de Rosalía de Castro, onde unha nena canta, xoga, le, come chocolate… Rosalía quere amosarlle aos nenos e nenas que a infancia é o lugar onde medran as poetas: entre a rebeldía, as lecturas, a curiosidade, o xogo e as cancións con rimas e sen autor. Está dirixida por Fina Calleja e sobre o escenario estarán Rocío González e Cristina Collazo.
Esta Rosalía está a piques de marchar a Santiago coa súa nai e deixar a aldea onde viviu baixo a tutela das súas tías paternas. María Rosalía Rita agóchase no faiado, pechando a porta tras ela, facéndose forte nese lugar máxico que ben coñece, que habitou en segredo e que está ateigado de tesouros.
"Rosalía" é unha obra de muller pensada para nenas e nenos de Primaria -e para as súas familias- por unha equipa de mulleres intensamente vencelladas ao teatro de palabras para espectadoras e espectadores que viven no país da infancia. As entradas están á venda en www.tui.gal aos prezos de 4€ e 3€.
A Facultade de Bioloxía presenta o proxecto Montes Vigo 2046, unha iniciativa que chega da man da Mancomunidade de Montes de Vigo
Puedes encontrarnos en nuestras redes sociales o, si lo prefieres, ponerte en contacto con nosotros a través de contacto@metropolitano.gal
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL