Descobre como será o concerto de Fin de Ano en Tui

Este venres, 29 de decembro, ás 21:00 horas celébrase no Teatro Municipal de Tui o concerto de Fin de Ano a cargo da Banda de Música Popular de Tui e da Coral San Telmo. Este evento, organizado polo Concello de Tui, terá carácter solidario xa que as entradas cambiaranse por alimentos non perecedoiros que serán doados a SOS Tomiño Baixo Miño.

A Coral San Telmo creada no Nadal de 2015 e que se presentou oficialmente o 27 de marzo do ano pasado, será a encargada de abrir este evento musical no que estarán acompañados nalgunhas das pezas por Acompañados por Sandra González, frauta; Ella Cordón, piano; Carlos Souto, percusión, e Adolfo Pereira, guitarra; e noutras polo grupo Litoral, dirixidos por Celso Diego Martínez:

Másnoticias

Las galardonadas películas "Valentina" y "O Corpo aberto" se proyectan gratis en A Guarda

04/10/2023

Llega a Tui la premiada obra que trae el mito griego de Ifigenia al drama de una joven "nini" actual

04/10/2023

O programa que vai interpretar é Foliada de Compostela, La capitana, Sementeira, Lirio del alba, Seguindo unha estrela, Cativiño, El tamborilero, O carro, Nadal en Luinta e O Monte Viso.

A continuación actuará a Banda de Música Popular de Tui que conta cunha lonxa traxectoria que remonta as súas raíces ae século XIX e que dende os anos oitenta tamén mantén unha actividade constante. Baixo a dirección de Adolfo Besada ofrecerán un repertorio con pasodobres e valses no que se atopan Macarena e o Lago dos Cisnes.

De seguido actuarán de forma conxunta a Banda de Música Popular de Tui e a Coral San Telmo para interpretar La del Soto del Parral, Pero mira como beben, Ande, ande, ande la marimorena e Noche de Paz.

A Banda de Música Popular de Tui pechará o concerto de Fin de Ano cun derradeiro bloque de composición cos temas Ave María, Rosas del sur, Danubio Azul e Marcha Radetsky.

Como ter entradas para o concerto?

A retirada de entradas para este concerto solidario poderá facerse o venres no despacho de billetes dende ás 19:30 horas a cambio dun quilo de alimentos que serán doados a SOS Tomiño Baixo Miño.