Naceu hai 28 anos coa intención de xuntar a veciños e veciñas interesados polo baile e sen pensar que ía a crecer tanto co tempo e a acabar converténdose no grupo folclórico máis completo da comarca, cunha escola de gaitas, de danza, de percusión, de pandeiretas e mesmo coa creación dunha treboada. A Asociación Cultural Escola de Danzas e Gaitas Virxe do Alivio empeza o ano con forza. Para amosar todas as actividades que están a facer nestes intres invitar a todos os tomiñeses e tomiñesas a participar no Festival ‘Bótoche un baile’, que se celebrará este sábado 20 de xaneiro ás 20.00 horas no auditorio de Goián.
Trátase do tradicional encontro de Nadal, que este ano a asociación tivo que adiar por motivos persoais, un festival “familiar no que participaremos todos e todas” e que servirá de escaparate da boa música e do bo baile que saben facer as case 60 persoas que conforman a asociación, que ofrece distintas modalidades. O festival conta coa colaboración do Concello de Tomiño, da Deputación de Pontevedra e da Comunidade de Montes Parroquia de Tomiño.
A Asociación Cultural invita a todos os cidadáns e cidadás non só a desfrutar do festival, senón a participar nalgunha das escolas que actualmente están en marcha. Con membros de entre 5 e 70 anos, os distintos grupos ensaian os martes e venres en San Benito e soamente é preciso pasar por alí ou poñerse en contacto coa organización para “probar calquera das nosas actividades. E hainas para todos os públicos porque temos moita variedade”, salienta Rocío Gómez, membro da asociación, quen asegura que “temos familias enteiras participando na asociación, estamos abertos a todo o mundo que queira visitarnos”.
Todo o aprendido e ensaiado soe poñerse en práctica en tres festivais anuais: o de Nadal, adiado o ano pasado; un celebrado no mes de agosto, no que soen facer intercambio con grupos doutras cidades tanto de España como de Portugal; e un festival infantil con todos os nenos e nenas que participan na asociación e que soe levar implicado tamén un intercambio cultural.
Pero ademais de todas as actividades musicais e de baile, dende a asociación organizan para os seus membros outro tipo de actividades “de formación para os e as integrantes, como un obradoiro de peiteados que nos sirva para cando imos a festivais fóra da casa, ou de entretemento para os máis pequenos e pequenas, como un obradoiro de adornos de Nadal, actividades coas que motivalos, animalos e que non se aburran, que desfruten e que non pensen que connosco todo é ensaiar”.
El festival, que se celebrará el primer fin de semana de septiembre en O Porriño, ya tiene dos artistas confirmados para su nueva edición
Hinchables gratis, concurso de disfraces, desfile o sesiones musicales. Estas son todas las actividades del Entroido de Cambados este año
Filloas, pulpo, música en directo y el gran concierto de Fillas de Cassandra. Este es el planazo que propone la Festa da Filloa da Pedra este finde en Galicia
Desvelado el primer integrante del cartel de los conciertos de Castrelos 2025: el recital tendrá lugar el 1 de agosto
As persoas gañadoras pasarán á final española, o 5 de abril en Lleida - Ao longo de todo o día na Escola de Enxeñaría de Minas e da Enerxía
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL