Faladoiro, música e contacontos para celebrar "A Guarda Diversa" por cuarto ano consecutivo

Por cuarto ano consecutivo volverase celebrar "A Guarda Diversa". A concellería de Igualdade e o CIM da Guarda organizan o mércores 28 de xuño “A Guarda Diversa”, unha ocasión especial para celebrar o Orgullo e continuar dando visibilidade ao colectivo LGTBIQ+.

As actividades de “A Guarda Diversa 2023” terán lugar na xornada do mércores día 28 en horario de 19:00 horas a 21:00 horas na Casa dos Alonsos con dúas sesións en paralelo.

Másnoticias

Vuelve una emblemática fiesta gastronómica de las Rías Baixas con el pez espada como protagonista

22/07/2026

Desaparece un joven de 23 años arrastrado por la corriente en la desembocadura del Miño

19/07/2026

Por unha banda no Salón de Plenos terá lugar o faladoiro "Non estamos todes: decepcións da Lei Trans", a cargo de Cristina Palacios, Traballadora social e Xerente da Asociación Arelas; Miguel Vieito, Asesor legal da Asociación Arelas e Brais Papiri, Responsable da Sección Xuvenil da Asociación Arelas, crianzas e mocidade trans de Galicia. Esta actividade estará acompañada da actuación musical da artista "A Riso". Neste faladoiro profundizarase naqueles aspectos nos que a Lei ten limitacións e os retos de futuro que se presentan. O Faladoiro tamén se vai a retransmitir por streaming a través da canle oficial de Youtube do Concello da Guarda.

Por outra parte na Sala de Audiovisuais da Casa dos Alonso terá lugar o contacontos e obradoiro dirixido a crianzas de 4 a 8 anos "Transformando Realidades" a cargo de Sara Uris, Mestra en Educación Infantil especializada en igualdade e Diversidade. Realizarase de forma simultánea co faladoiro como medida de conciliación.

Para asistir ás actividades non é necesaria inscrición previa e a entrada é de balde, ata completar aforo. Dende o Concello rogan a asistencia 10 minutos antes do inicio de cada acto.