Jazz na beira da Ría: o festival de Moaña regresa con sesión vermú e citas nocturnas

Jazz na beira do mar. Ese é o plan que o Concello de Moaña propón para o ecuador do mes de agosto. O Festival de Jazz de Moaña volverá celebrarse no Arboredo da Xunqueira, xunto á praia, os próximos 13 e 14 de agosto cun cartel que, dende a organización, clasifican como “de primeiro nivel”.

O evento, que comezou a súa andaina fai un lustro, foi escenario de grandes nomes da escea jazzistica galega, nacional e internacional, como son Xan Campos Trío, Mayte Alguacil Quartet, Iago Fernández Quartet, Kurt Rosenwinkle, Michael Kanan, Greg Hutchinson, Horacio Fumero, Jure Pukl, Melissa Aldana ou Jorge Rossi. Agora, na celebración do seu quinto aniversario neste 2021, aínda marcado pola crise sanitaria, o festival arrancará o venres 13 ás 21:00 horas co cuarteto do trompetista francés afincado en Barcelona, Raynald Colom. Este estará acompañado por Tony Tixer ó piano, o galego Paco Charlín no contrabaixo e Francesco Ciniglio á batería.

Másnoticias

Vecinos de Moaña y de toda Galicia se concentran para condenar la muerte de Fadoua Akkar

07/10/2024

El conductor del coche en el que murió una mujer en Moaña aceleró antes de caer al mar

Prisión provisional para el supuesto asesino de Fadoua, la víctima del crimen machista de Moaña

07/10/2024

A xornada do sábado dará comezo ó mediodía, en concreto ás 12:00 horas cunha sesión vermú e un concerto a cargo de Quarteto Açaí, un grupo de música brasileira formado por Felipe Villar á guitarra, Rubén Fernández á voz, Jose Manuel Díaz ó contrabaixo e Paulo Silva na batería. Pola sua parte, Juzz, o proxecto de jazz experimental e progresivo do polifacético guitarrista Virxilio da Silva, pechará o festival de novo ás 21:00 horas. A banda complétana Rosolino Marinello ó saxo tenor, Alex Salgueiro no hammond B3, Xan Campos ao Rhodes, Felix Barth ao baixo eléctrico e Iago Fernández á batería.

O festival é completamente gratuíto, aínda que require recoller entrada debido as condicións de aforo marcadas pola pandemia, e realízase grazas ó esforzo e entusiasmo da organización, que está a cargo da Asociación de Jazz de Moaña, o Concello de Moaña e Moaña Son de Mar. Os convites para asistir xa se poden reservar na Oficina de Turismo de Moaña, ben de xeito presencial ou tamén por teléfono, chamando ao 609 746 170-