Máis de trinta xogos tradicionais tomarán o centro de Ponteareas

A Concellería de Eventos que dirixe a tenente de alcalde Cristina Fernández convida a toda a veciñanza a desfrutar dunha tarde de tarde xogos tradicionais este sábado día 28 a partir das 18:00 horas na Praza Maior.

Máis de trinta xogos para tódalas idades porán a proba a habilidade, puntería e estratexia dos e das participantes. A Praza Maior será testemuña dun reencontro coa tradición popular no que os maiores poderán rememorar momentos da súa infancia e tamén transmitir os seus coñecementos no manexo dos xogos aos máis novos.

Másnoticias

La orquesta París de Noia desvela todas sus fechas en Galicia en junio, varias en el área de Vigo

03/06/2026

Piden 4 años de cárcel para dos acusados de robar en viviendas del área de Vigo con diferentes tretas

31/05/2026

Xogos de habilidade como o esquí de parellas, o xogo do aro, os zancos ou pala furada; xogos de taboleiro e xogos de lanzamento para executar de xeito individual ou en grupo.

A tenente de alcalde Cristina Fernández explica que nesta xornada de lecer se brinda a ocasión de realizar unha actividade en familia promovendo a colaboración e o traballo en equipo, ademais de incentivar a relación de maiores e pequenos.

A veciñanza poderá gozar desta actividade totalmente de balde e poderá coñecer unha parte da historia dos nosos maiores e antergos. A concelleira adianta que en caso de mala climatoloxía, os xogos trasládanse ao colexio nº1 Nosa Señora dos Remedios.