Moaña non podía falta a un día tan especial como este 24 de febreiro, a xornada na que se conmemora a figura de Rosalía de Castro. A vila morracense festexa esta data tan simbólica na literatura galega con diversos actos telemáticos. Para a rapazada de 3 a 12 anos, e en colaboración cos nove centros de educación infantil e primaria do Concello, terá lugar o concerto "Cantando os Cantares" de Marcos Acuña, no que se transmitirá ás máis pequenas e aos máis pequenos as mensaxes da obra de Rosalía a través da música.

Centos de escolares destes centros de ensino conectaronse ás 12:30 horas desde cada aula para asistir a este concerto ao vivo desde o Centro Cultural Rosalía de Castro de Domaio. Para a mocidade, e en colaboración coa Asociación de Escritores en Lingua Galega (AELG) o Concello divulga as unidades didácticas nas que participaron os grupos moañeses Lelli Kelly's e Sebastian Black & It's Soul que se desenvolveron nestes días nos institutos de toda Galicia, nas que se propón a gravación de vídeos na plataforma Tik Tok tomando como modelo as gravacións dos grupos moañeses.

Másnoticias

Última oportunidad para disfrutar de un gran cocido con ruta incluida por una joya de las Rías Baixas

El "mejor plan gastronómico del otoño" se saborea en las Rías Baixas, vuelve el cocido gallego a Ons

20/10/2025

Galicia acumula 13 casos de gripe aviar con una nueva detección en una gaviota en Vigo

Detectado un nuevo foco de gripe aviar en aves silvestres en Moaña

17/10/2025

Finalmente, o evento central do Día de Rosalía en Moaña terá lugar ás 20:00 horas coa retransmisión no perfil do Facebook do Concello de Moaña dun acto no que Leticia Santos, Marta Freire e Anxo Angueira (presidente da Fundación Rosalía de Castro) plantan unha figueiriña, filla da figueira de Rosalía no Centro Cultural de Domaio que leva o seu nome a carón do busto da escritora.

Este acto simbólico vincula ao Concello de Moaña coa figura máis emblemática da nosa literatura, chea de valores como a defensa das persoas máis desfavorecidas, o feminismo, o ecoloxismo e, sobre todo, a posta en valor da identidade galega.

O acto contará coa música rosaliana do cantautor da Guarda Tino Baz, que desde Domaio interpreta varios temas do seu último disco dedicado a Rosalía. Tamén participarán os moañeses Sebastian Black & It´s Soul cunha versión electrónica do Negra Sombra.

Moaña será desde este ano Concello Mecenas da Casa de Rosalía para contribuír á divulgación do seu legado. Esta figura tamén permitirá ao alumnado moañés visitas gratuítas á Casa-Museo en Padrón.