Moaña apraza a segunda xornada do Festival de Jazz e o Festival Son de Mar

A previsión de mal tempo para esta fin de semana axita as propostas culturais da fin de semana na área de Vigo. Nigrán xa comunicou a cancelación da dobre sesión que tiña previsto ofrecer Carlos Núñez en Monteferro. Ademais do municipio miñorano, o Concello de Moaña tamén anunciou o aprazamento da segunda xornada do Festival de Jazz -programada para mañá- e do Festival Son do Mar, fixado para este domingo.

O Concello de Moaña sinala nun comunicado que anunciará as novas datas destes dous eventos. As invitacións serán válidas para esta nova data, polo que se insta aos espectadores que garden os pases para gozar destas dos citas musicais que ían poñer banda sonora a un espazo como a Arboreda da Xunqueira. A concellería de Turismo e Promoción Económica que dirixe Coral Ríos aclara que si terá lugar na noite deste venres a primeira xornada do Festival de Jazz de Moaña, que contará cos concertos de Sumrrá (22:00) e Antón Iglesias Trío (23:00).

Másnoticias

El "mejor plan gastronómico del otoño" se saborea en las Rías Baixas, vuelve el cocido gallego a Ons

20/10/2025

Detectado un nuevo foco de gripe aviar en aves silvestres en Moaña

17/10/2025

Moaña, adherido á campaña cultural “Non nos canceles” que xurdiu tras a emerxencia sanitaria do coronavirus, mantén a súa intención de encontrar nova localización aos dous eventos. A segunda xornada do Festival de Jazz de Moaña ía contar coas propostas de Wilfried Wilde Quintet e Nacho Pérez Trío.

Por outra banda, o Festival Son de Mar, o cartel estaba composto por Cé Orquesta Pantasma e Fiandola. O evento é unha das novidades da programación "Días de Mar" que deseñou a concellería de Turismo e Promoción Económica para este mes de agosto. Nesta primeira edición amosaba unha clara intención de ser unha cita musical para todas as idades coas actuacións de Cé Orquesta Pantasma e Fiandola.