Moaña estuda visitas guiadas nocturnas tralo éxito das rutas gratuítas do verán

O Concello de Moaña vén de certificar o atractivo do municipio no turismo activo. A última edición dos roteiros turísticos impulsados polo concello, “Descubre Moaña” na súa variante de verán, vén de esgotar todas as prazas dispoñibles en apenas uns días.

“Foi tal o éxito que as inscricións completáronse en dous días”, explica a concelleira de Turismo e Promoción Económica, Coral Ríos. A programación de visitas, en colaboración coa Illa dos Ratos, contaba este verán con nove citas en seis variantes diferentes. Dous delas eran novidade. É o caso da visita ao Sendeiro de Rialdarca e a ruta literario “O último barco”, que segue os escenarios do libro de Domingo Villar.

Másnoticias

Lanzan nuevas rutas por la historia, fauna y flora de O Morrazo y serán totalmente gratis

18/04/2025

Moaña pone fecha a la segunda edición de la fiesta gastronómica que pone en valor el bandullo

17/04/2025

Ante o éxito dunhas visitas que permiten á veciñanza coñecer o municipio, pero tamén atraen a visitantes que despois quedan nos restaurantes da zona. Esa e unha das causas polas que se organizan. O Concello estuda agora a opción de poñer en marcha unha novidosa variante nocturna. A idea e incrementar as opcións nunha versión de noite que tería que ser en rutas que o permitan, como a de Moaña Mariñeira. Esta opción permitirá descubrir o municipio morrancese dende unha nova perspectiva nas calorosas noites de verán.

O programa “Descubre Moaña” adaptouse este período estival á nova normalidade reducindo o número de persoas asistentes e extremando as medidas de seguridade. Ademais, a máscara é obrigatoria e ao inicio de cada visita impártese unha charla de seguridade.

Non nos canceles

Aínda que algunhas das citas promovidas polas asociacións veciñais e culturais do municipio foron canceladas, como é o caso do Festival Morrasound, a Festa do Mexillón ou a nova Festa do Marisco, o Goberno municipal mantén o seu compromiso de manter os eventos programados.

Seguindo a iniciativa do sector cultural galego #NonNosCanceles, a Concellería de Turismo e Promoción Económica busca xa datas para a FeiraEcoArtesá, que podería celebrarse mesmo en xullo, namentres que a Festa da Diversidade terá lugar 0 26 de setembro e Moaña Antiqua virará cara o pasado na primeira fin de semana de outubro. Asemade, traballase xa na programación do programa Días de Mar, da Feira do Mel, o Festival de Jazz ou a Festa de Bronlle. “Mantendo estas citas, queremos protexer o texido cultural e a hostelería local”, explica a concelleira, Coral Ríos.