Música ao abeiro do Camiño e concentración de clásicos para a "finde" en Tui

O Concello de Tui énchese esta fin de semana de citas de lecer e deportivas. No eido musical, como celebración dos Días Europeos do Camiño de Santiago, o municipio baixomiñoto albergará unha dobre proposta. Este sábado 19, ás 18:00 horas, na Catedral de Tui poderanse escoitar distintas composicións inspiradas no Camiño de Santiago, escritas por compositores e compositoras galegos e portugueses. Será no concerto “Música en Camiño” organizado pola CEER, a Rede de Universidades da Eurorrexión Galicia-Norte de Portugal.

Pola súa parte, o domingo, ás 12:30 horas, no Paseo da Corredoira, ou se chove na Oficina de Turismo, a cantante e compositora Nastasia Zürcher achega a súa proposta musical titulada "Un camiño de fusión e liberdade” dentro do programa “Camiño A Dentro” promovido pola Deputación de Pontevedra e a Xunta de Galicia. Nastasia Zürcher conta con dous traballos discográfico “My flight” e “BEAT”, estando arestora na xira deste segundo disco.

Másnoticias

Confirmados los precios y tapas de la Festa da Langosta más famosa de Galicia

28/06/2025

Más de una veintena de días con actividades en el verano de O Rosal, con The Rapants como plato fuerte

28/06/2025

No eido deportivo, o sábado dende ás 19:30 horas está prevista á chegada á rúa Olímpicos dos participantes no V Budiño Raid Terras do Louro. Sairá ás 9:30 horas dende Mos para realizar un percorrido de 80 quilómetros divididos en cinco sectores, cun tempo máximo de carreira de 10 horas. É unha competición multidisciplinar na que os participantes terán que demostrar a súa capacidade de resistencia, a súa orientación e a súa habilidade. Será a cuarta proba da Liga Galega de Raids de Orientación 2019 e contará con tres categorías Élite, Aventura e Orienta – Raid. Está organizado por BudiñoRAID, a sección de Orientación da Asociación Deportiva A Forna de Budiño.

O domingo medio centenar de persoas participarán na Concentración de Clásicos do Baixo Miño que partirá ás 11:00 horas dende o Paseo da Corredoira para realizar unha ruta até Caldelas e volver ao punto de partida, onde os coches quedarán expostos até ás 18:00 horas. Entre os coches máis antigos que participarán figura un Citroën de 1923. Este evento está organizado pola Asociación de Clásicos do Baixo Miño coa colaboración do Concello de Tui.