Nigrán busca á mellor cervexa artesanal de Galicia

Suma e sigue. Nigrán engade un novo festival a súa programación de verán despois do Solpor, o Nigranjazz ou o Vive Nigrán. Entre o 17 e o 20 de agosto, o paseo da Foz na Ramallosa celebrará o "Val Miñor Fest", primeiro festival da comarca dedicado á degustación da cervexa artesanal. "Un novo festival que chega a Nigrán para quedarse e formar parte das nosas propostas máis senlleiras do verán", en palabras do alcalde, Juan González.

En total, serán 11 marcas de cervexa artesanal galega, unha de Madrid e outra do Bierzo as que competirán por gañarse o título á mellor etiqueta do festival.

Másnoticias

Entroido de Verán de Redondela, gaming, cine en Castrelos y más en el área de Vigo para este finde

22/08/2025

Última oportunidad para disfrutar de una noche repleta de monstruos en Nigrán

22/08/2025

Quince marcas a prezos populares

Entre todas as marcas haberá todo tipo de cervexas, dende a rubia tradicional, a outras con castañas, mel ou chile.  Unhas serán suaves e outras poderán chegar até os 12 grados e os prezos arrancarán nos 2€.  As marcas asistentes ao festival serán Faxilda, Bubela, Santo Cristo, A cova da serpe, Trisk-Ale, Vacaloura, Belecker, Nos, Áncora, Nasa, Palecat, Saramagal e Kel´s.

Ademais, organizaranse obradoiros, cursos gratuítos de elaboración de cervexa artesanal ou unha cata organizada por profesionais do sector. Neste casos débese solicitar inscrición previa. No caso do curso de elaboración de cervexa no correo cursodecervexa@gmail.com namentres que para participar na cata é necesario escribir a fillos.da.malte@gmail.com e ten un custe de 7€ por persoa.

A música, mellor cunha cervexa

O programa do "Val Miñor Fest" inclúe ademais concertos durante as noites. A primeira xornada contará coa actuación, dende as 19:00 horas, de Rapariga JD, dos nigraneses Blue Monk de Wondercovers e do DJ Crus-P.  Ao longo do festival tamén actuarán Off Room, San Rockers ou Los Pontiaks, entre outros.