O Festival de Jazz de Ponteareas ten aceno feminino

As rúas de Ponteareas serán o escenario esta fin de semana dunha nova edición do seu Festival de Jazz. En total, seis grupos, que van dende o jazz máis puro a agrupacións de soul e blues, actuarán no municipio do Condado. Este ano, o marcado aceno feminino chega da man de Voodoo, Ejazz e Diana Tarín, que estarán no evento grazas á iniciativa da Asociación de Hostaleiros.

A cita desenvolverase entre o sábado 25 de agosto e o domingo 26 e estará dividida en catro escenarios co obxectivo de “achegar a cultura e a variedade musical a distintos espazos en espectáculos musicais de gran calidade” nas verbas da concelleira de Cultura e Turismo, Hortensia Bautista.

Másnoticias

PortAmérica cierra una edición inolvidable y promete un 2027 "histórico" por su 15º aniversario

16/07/2026

Tui se prepara para el cierre del viejo puente internacional, que se llenará de música y arte

13/07/2026

A inauguración correrá a cargo do grupo Dous (Salvaterra de Miño – Nigrán) formado por Fernando Abreu e Pablo Carrera. Formado en 2001, o dúo presentou o pasado ano o seu terceiro traballo discográfico, “A viaxe de Yoyo”, marcado pola súa particular viaxe sonoro a través dos ritmos do planeta. O concerto de Dous, finalista en tres edicións do Martín Códax da Música na categoría de Músicas do Mundo, arrancará ás 12:30 horas do sábado na rúa Rogelio Groba.

Ás 22:00 horas, a Fonte do Baratillo será o escenario dunha formación clásica da man de Brais Sergio Gus Trío. Por último, a xornada rematará ás 23:00 horas no Paseo Matutino da man de Voodoo e Mr. River.

O dúo que forman Belém Tajes e Maritxiña é un dos grupos do momento. Chegarán a Ponteareas directmente dende o Festival Revenidas para achegar o seu soul, funk e blues á capital do Condado. Pola súa parte, os pontevedreses de Mr. River están capitaneados por Miguel del Río xunto a Santi Mar San e Marcos Corbacho. A banda nace da fusión de difernetes estilos como o jazz, o rock ou o funky, creando unha diversidade de composicións dando lugar a un estilo propio que denominaron como “river style” ou o que é o mesmo, son americano feito en Galicia.

O Festival de Jazz de Ponteareas finalizará o domingo co concerto 26 de agosto. A Praza Maior acollerá ás 22:00 horas o concerto de EJAZZ e Alberto Vilas Quartet & Diana Tarín.  O pianista e compositor redondelán Alberto Vilas, gañador do Martín Códax da Música en 2017 polo seu traballo “Universo Lem” chegará na súa formación de cuarteto xunto a Diana Tarín, cantante e pianista cubana.