O Grupo San Roquiño estrea en Tomiño a súa última longametraxe, ‘Goián vaciado’

Tomiño está de estrea esta fin de semana. O Grupo San Roquiño proxecta por primeira vez a súa última longametraxe, ‘Goián vaciado’, unha historia na que a veciñanza interpreta aos personaxes máis variadas para pasar unha tarde cargada de risas, humor e sátira.

A trama da película xira arredor da crecente despoboación de Goián. Esquecida queda a época dourada que viviu décadas atrás. Berce do luxo e o glamour, ata alí achegábanse cada verán multimillonarios internacionais, excéntricos aristócratas e a chamada jet set para desfrutar da imaxe e gastronomía. Un Goián que non durmía, repleto de festas, excesos e ostentación que co pasar dos anos foi languidecendo abandonado por esas celebrities que buscaban novas modas e outros destinos.

Másnoticias

Tui deja huella en el jardín de un parque inaugurado en la ciudad alemana de Versmold

05/06/2026

Una televisión o un deshumidificador, el botín del ladrón que se coló en una casa de Tomiño

04/06/2026

Isto xunto á baixa natalidade, provocada polo envellecemento da poboación levou a Goián a un descenso demográfico tan brutal que asemella un pobo pantasma. Desesperados por reverter esa situación, os poucos veciños e veciñas que quedan, liderados pola oposición municipal, buscan unha solución e poñen en marcha un plan coa esperanza de que Goián volva recuperara a prosperidade doutra época.

Podería ser unha realidade, pero é só o título da sexta longametraxe do Grupo San Roquiño, un filme con música do compositor Andrés Álvarez no que unha vez máis os propios veciños e veciñas os personaxes máis particulares. A película foi feita coa colaboración da Comunidade de Montes de Goián, da Comisión de Festas da Virxe dos Remedios e San Cristovo, do Concello de Tomiño e coa predisposición e axuda de numerosas persoas que cederon espazos e material necesarios para a gravación.

O estreo contará cunha alfombra vermella pola que desfilarán actores, actrices e equipo técnico, así como todo o público que se achegue a desfrutar dunha fin de semana chea de risas para rematar o Mes do Humor.

A película poderá verse no auditorio de Goián este sábado 4 de novembro cun pase ás 18:00 e outro ás 20:00 horas e o domingo 5 con sesión ás 17:00 e ás 19:00 horas. O prezo da entrada será un quilo de alimentos non perecedoiros que se doarán á entidade SOS Tomiño e Conrazones.