O "pau de sebo" volve a Ponteareas nas festas de San Roque

Este venres, 17 de agosto, a veciñanza de San Roque, en Ponteareas, viaxará trinta anos atrás para rescatar o tradicional xogo do “pau de sebo”, que supoñía un atractivo para toda a comarca que se achegaba ao barrio para ver a competición tanto na modalidade horizontal como vertical.

O tradicional xogo pon a proba o equilibrio dos participantes que, co obxectivo de chegar ao fin do pau, deberán camiñar por el sobre as augas do río. ¿Sinxelo? Non tanto se temos en conta que está untado con sebo. Porén, ademais, haberá tamén xogos populares para os máis pequenos como o xogo da ra, a petanca ou o xogo da corda.

Másnoticias

La mayor Romería Vikinga de Galicia desvela un programa con mercado, conciertos y espectáculos

15/07/2026

Confirmado, los Fuegos de Bouzas cambian su horario tradicional para que Vigo vibre con la final del Mundial

15/07/2026

A iniciativa parte da concellería de Cultura que dirixe Hortensia Bautista co obxectivo de "recuperar a tradición das festas de San Roque", moi populares anos atrás. Todos e todas as que queiran participar deberán ter un mínimo de 16 anos e poderán inscribirse no propio momento. 

A xornada festiva celebrarase na praia fluvial de San Roque e a programación arrancará ás 17:00 horas. Para fomentar a participación, entregaranse tres premios cun sabor tamén tradicional que rememora os entregados naqueles tempos. Un xamón para o gañador/gañadora, unha cesta de produtos de alimentación para o segundo posto e unha cesta de froitas para o terceiro clasificado.




Pola súa prte, a charanga Os Imperiais amenizará a xornada de tarde e o conxunto musical Arte porá música á noite de San Roque na que a veciñanza celebrará un xantar popular. As familias compartirán manta, colcha e mantel e tamén as delicias caseiras nunha cea na que lembrar vellos tempos. O Concello convidará aos presentes a rosquillas e haberá un posto no que mercar as bebidas.