O rapeiro Toteking e Ninhodelosrecaos DJ pechan o cartel de SonRías Baixas 2019

O cartel do SonRías Baixas 2019 xa está ao completo. O festival anunciou este mércores que o rapeiro sevillano Toteking e Ninhodelosrecaos DJ, identidade trala que se esconde o creador, cantante e guitarrista de La Pegatina, Rubén Sierra, súmanse á programación musical da nova edición do festival que se celebrará os días 1, 2 e 3 de agosto e que congrega en Bueu a máis de 21.000 persoas para gozar con tres intensos días de concertos, coa boa gastronomía e coas imparables praias do Morrazo. O evento anuncia tamén o cartel por días e pon á venda na súa web oficial as entradas para cada noite de concertos por 25 euros máis gastos mentres que o abono para os tres días ten un custe de 41 euros sen contar os gastos. A acampada está incluída.

O SonRías Baixas camiña xa cara a súa décimo sétima edición, vai rumbo unha maioría de idade que se consolidou como un festival de referencia no país dentro da escena do rock español e da fusión mediterránea. A oferta musical deste ano incorpora novas voces e ritmos. Serán tres xornadas de concertos, con dezanove bandas que van dende a historia viva da música deste país ata as novas descubertas e que se distribuirán en tres escenarios: Super Bock, Fest Galicia e Regala Música.

Másnoticias

Arde por completo una casa abandonada en Moaña

31/08/2025

Investigan a un vecino de Vigo por dañar un elemento histórico del patrimonio de Galicia

29/08/2025

As persoas que se acheguen a primeira fin de semana de agosto ata o festival de Bueu, escoitarán sete linguas, vibrarán con catro mulleres de armas tomar e bailarán estilos tan diferentes como o rock, reggae, rumba, ska, blues, country, funky, metal, hardcore, punk, hip hop, trip hop, rap, trap, folk-rock, pop-rock, latina, electrónica ou dancehall. Todos estes estilos combínanse nunha contorna privilexiada, con fácil acceso á praia urbana e a todos os servizos dos que dispón Bueu. A organización destaca que “o SonRías Baixas é como e seguro como primeiro festival para a xente moi nova”.