O Rosal acollerá dúas xornadas de cinema de balde e un concurso de videoclips esta fin de semana

A asociación Ghorghalado Cultura e Patrimonio organiza en colaboración co Concello a segunda edición das Xornadas de Cinema do Rosal, unha iniciativa que pretende achegar ao público unha oferta cinematográfica que non se atopa nos circuítos habituais. Os xardíns da casa rural Abadía das Eiras acollerá a proxección dunha selección de curtametraxes e documentais "que satisfarán aos espectadores e espectadoras máis esixentes", segundo destacan dende o Concello.

Como novidade, nesta segunda edición celébrase o 1º Certame de Videoclips Xuvenís. As xornadas ábrense coa proxección dunha selección dos traballos presentados e tralos videoclips, o público poderá desfrutar de cinco curtas e un documental: "Siempre a mano", "Las muelas del cuco", "Momentos", "La inquilina", "A última noite co Tonio" e "Patrimonio habitado".

Másnoticias

El cineasta nominado al Oscar que convierte Vigo en un gran plató de cine: nuevo rodaje en la ciudad

13/07/2026

Luz verde de la Xunta a un proyecto de almacenamiento de energía eléctrica en O Rosal

06/07/2026

O venres 29, o público asistente poderá gozar das curtas: "¿Viejos?", "O que queda", "Dúas opcións", "Casa bonita", "Mama", "Fantasmas", e do documental galego "Afranio", na que o actor Luis Tosar encarna ao señor Afranio nunha peza baseada na obra autobiográfica do mesmo.

As xornadas rematarán o sábado 30 de xullo coa proxección de catro curtas seleccionadas "Fils Trencats", "Cocodrilo", "Casa bonita" e "Lurna". Ademais, dun documental galego, "Negro púrpura", un retrato da Galicia do século XX a través dun fungo alucinóxeno que agroma nos cereais e que abre as portas a unha historia tan curiosa, sorprendente e descoñecida como importante no devir da cultura e a economía da época.

Todas as proxeccións son de balde e ao aire libre e serán a partir das 22.00 horas. A alcaldesa Ánxela Fernández Callís, convida “a toda a veciñanza a desfrutar desta gran festa do cine” e agradece á asociación Ghorghalado o seu compromiso e esforzo por esta iniciativa.