Os actos para celebrar o Día das Letras Galegas en Vigo e a súa área

A cidade olívica e a súa contorna acollen diferentes actos para celebrar o Día das Letras Galegas, unha xornada que este ano vai dedicada á figura de María Victoria Moreno. Música, lectura de poesía ou o bando que dará o escritor García Teijeiro, son algunhas das citas más importantes para homenaxear no sur da provincia a nosa cultura.

Bando de García Teijeiro (12:00)

A Alameda de Bouzas será unha vez máis o lugar onde Vigo renderá homenaxe ás Letras Galegas este xoves 17 de maio. Nesta ocasión, Antonio García Teijeiro será o encargado de ler o bando. Premio Nacional de Literatura Infantil e Xuvenil 2017, “galardón literario da máxima importancia en España”, tal e como destacou o alcalde Abel Caballero, o escritor será o protagonista do acto que comezará ás 12:00 horas na Alameda de Bouzas dentro dunha iniciativa organizada pola Asociación Cultural da Vila de Bouzas coa que colabora o Concello.

Másnoticias

La ingeniera de la NASA, Begoña Vila, recibe su galardón de Viguesa Distinguida

17/08/2022

Locura en Castrelos, con el auditorio abarrotado horas antes del concierto de Dani Martín en Vigo

17/08/2022

Lectura de poemas en galego (20:00)

Un dos actos máis simbólicos en Vigo para festexar o Día das Letras Galegas terá lugar ás 20:00 horas no Muro dos Poetas que instalou na pasada edición o Festival Kerouac. O evento consistirá na lectura de poemas en galego. No evento participarán Graciela Baquero Ruibal, Malvares de Moscoso, Jesús Quereizaeta, Iria Bragado, Sherni Kaur, Francisco Álvarez “Koki”, Sara Faro, María Villar, Berneddo, Beatriz Alonso Cabaleiro, Yago Guirado, Ruth Oliveira, Francisco Castro e Marcos de la Fuente, entre outros.

Ademais, nesta lectura de poesía en galego haberá tamén micro aberto para todos aqueles que queiran compartir as súas creacións no día no que se homenaxea a literatura galega e, este ano, á figura de María Victoria Moreno.

Música clásica (20:30)

A Orquesta Clásica de Vigo ofrece este xoves 17 de maio un concerto especial para celebrar o Día das Letras Galegas. A agrupación ofrecerá obras para clavecín e orquestra da compositora Marianna von Martínez, discípula de Haydn. Unha artista do século XVIII que sorprende pola súa calidade e complexidade, que realizou máis de 200 obras, das cales apenas 20 están publicadas.

A Orquesta Clásica de Vigo interpretará o seu “Concerto en do maior para clave” e a “Sinfonía en do maior”, rematando co “Concertino para frauta” e “orquesta Op. 107” de Cécile Chaminade.

Ademais, para esta ocasión, a Orquesta Clásica de Vigo contará coa presenza da poeta e membro do trupo vigués Cintaadhesiva, Silvia Penas, quen porá voz a este concerto interpretando unha selección de poesía actual galega xunto coa orquestra.

O recital terá lugar no Auditorio Municipal do Concello de Vigo (Praza do Rei). O prezo da entrada é de dez euros. As localidades están dispoñibles na plataforma de Ataquilla por 10 euros.

Roi Casal (20:00)

A praza do Concello de Baiona acollerá este xoves 17 de maio, Día das Letras Galegas, o espectáculo musical Son Galego, Son Cubano, de Roi Casal. O evento, que arrancará ás 20:00 horas e se engloba nas celebracións do 525 aniversario da Arribada da Carabela Pinta, aposta pola música como ponte de unión entre Galicia e América.

Nunha abraiante fusión cultural entre a música de Cuba e a poesía galega, o espectáculo, componse dunha selección dos trece temas nos que se recollen os poemas do ilustre escritor galego Neira Vilas musicados por Casal.

Romaría das Letras en Bueu (todo o día)

O lugar de Sanamedio, pertencente á parroquia bueuesa de Beluso, acollerá este xoves a Romaría das Letras Galegas, un evento que se recuperou o ano pasado e que conta cunha gran diversidade de actividades a favor da lingua, da tradición e da cultura galegas. Os eventos comezarán ás 12:00 horas da mañá co pregón a cargo de Nela Álvarez Lozano, e continúan coa actuación do Grupo de Danzas Pais de San Roque e Os Liboreiros.

Ás 13:00 horas é a quenda do grupo Bandas e Percusión María Soliña acompañados do grupo de pandereteiras Trikoloma, e un recital de poesía a cargo da poeta local Míriam Ferradáns. Ao longo da xornada tamén se celebrarán xogos populares para os máis cativos así como un festival infantil con diferentes actuacións. Consulta nesta ligazón a programación completa.