Os filmes "Cuñados" e "Matria" disfrútanse de balde co Cine na Rúa do Rosal

O Cine na Rúa volve ao Rosal como cada verán, con dúas proxeccións ao aire libre de cinema galego os días 24 e 29 de agosto.

A primeira proxección será este xoves, 24 de agosto, ás 21:30 horas na Praza de Novás, coa película “Cuñados”. Protagonizada por Xosé Touriñán, Federico Pérez Rey e Miguel de Lira, ‘Cuñados’ é unha comedia sobre as peripecias de tres cuñados que se embarcan nun plan disparatado para conseguir cartos.

Másnoticias

La fiesta gastronómica más exclusiva se celebra en Tui con un plato 'delicatessen' muy especial

07/04/2025

Tui organiza en abril varias catas maridadas con productos locales y ya es posible apuntarse

06/04/2025

A segunda proxección será o martes, 29 de agosto, ás 21:30 horas na Praza de Fornelos, co filme “Matria”, protagonizado por María Vázquez e rodado no Salnés. Trátase da historia dunha muller que traballa nunha conserveira e que loita por manterse a flote económica, familiar e emocionalmente.

Ambas actividades de Cine na Rúa no Rosal son de balde, e con elas péchase a programación de Cultura polos Barrios, que levou diferentes actividades culturais aos espazos públicos rosaleiros ao longo do mes de agosto. Porén, o broche será o 1 de setembro, cando se realizará o concerto de “Que de que” que foi adiado pola chuvia. Será en San Vicente de Marzán, ás 21 horas, o venres 1 de setembro.

Cine de balde no Rosal 

• Día: 24 e 29 de agosto
• Hora: 21:30 horas
• Lugar: O Rosal
• Prezo: Gratis