Os segredos da costa baixomiñota, ao descuberto “entre cervexas”

A cuarta das barferencias que se celebran na Guarda, unha mestura entre divulgación cultural e tarde de “cañas”, centrarase este venres, 2 de febreiro, nas peculiaridades da costa baixomiñota.

O faladoiro, titulado “A rasa costeira no Baixo Miño”, versará sobre os principais condicionantes xeolóxicos (tipos de rocha e fallas) e os procesos mariños que controlan a morfoloxía da costa galega, para explicar os factores que dan orixe á formación dunha rasa costeira. Tratarase con especial atención a rasa do Baixo Miño, onde as variacións do nivel do mar durante os últimos períodos glaciares-interglaciares xogarían un papel fundamental na orixe das diferentes superficies de erosión presentes nesta costa.

Másnoticias

El alcalde de Tui se someterá a una cuestión de confianza vinculada a los presupuestos

27/06/2025

Portugal y Galicia activan un operativo para buscar al tripulante de un barco hundido en el Miño

27/06/2025

O coloquio estará dirixido pola catedrática de Xeoloxía na Universidade de Vigo Soledad García Gil e comezará a partir das 20:30 horas no bar Cramoeiro.

Próxima “barferencia”

O ciclo de «Barferencias» rematará o vindeiro 2 de marzo coa charla “De roteiro polas costas da lamprea”, da man do profesor da Facultade de Bioloxía da Universidade de Vigo e membro da Asociación Naturalista do Baixo Miño (ANABAM), Manuel Ángel Pombal Diego. A cita será, nesta ocasión, na Casa-Bar Aquilino a partir das 20:30 horas.