Ponteareas será este sábado a capital da música tradicional de Galicia

Ponteareas volverá a converterse este sábado na capital da música tradicional do país. O Concello organiza a 54 edición do Concurso de Gaitas do País, a festa musical desta especialidade máis antiga de Galicia, e que coloca a vila como referente na promoción do folclore musical galego. O concelleiro de Cultura, Fernando Groba, afirma que “para Ponteareas é un orgullo acoller estes eventos”, e expón que o Concurso “é unha mostra máis da nosa decidida aposta pola música que se fai no país”.

Os grupos participantes mostrarán os seus traxes tradicionais e as súas melodías nun pasarrúas que comeza ás 16.00 horas e que vai do Concello ao Auditorio Municipal. Durante o pase o xurado decidirá os gañadores dos catro premios que reparte o concurso, os primeiros recibirán 1.800 euros, os segundos 1.200, os terceiros 900, e os cuartos 600. Ademais, cada grupo participante, agás os gañadores, recibirá unha gratificación de 300 euros. No xurado participa Xosé Ferreiros, integrante do histórico grupo galego Milladoiro.

Másnoticias

La aparición de gas radón en el centro de salud de Ponteareas pone en alerta a los sanitarios

13/07/2026

Un 'brunch' en una increíble terraza a orillas del río, el chiringuito en plena naturaleza a media hora de Vigo

12/07/2026

Esta edición cumpre cun estrito protocolo sanitario e, para evitar aglomeracións, o Concello prepara un sistema en streaming para que todas as persoas interesadas poidan desfrutar do concurso dende os seus fogares dunha maneira segura e cómoda. O evento poderá visualizarse por Youtube e no Facebook da Concellaría de Cultura do Concello.

“Para Ponteareas é unha gran oportunidade acoller este tipo de evento, xa que reforza e difunde a nosa cultura, ademais de axudar ao comercio local”, destaca Fernando Groba. No Concello quixeron reforzar o Concurso de Gaitas ofrecendo á veciñanza “un peche ao grande” co concerto do grupo gañador do concurso e de Milladoiro, unha das formacións con máis relevancia do panorama musical galego, e que compartirá as súas melodías ás 22.00 horas no parque da Feira Vella. A entrada é de balde, pero debe ser adquirida a través dunha plataforma online (premer aquí).