Roteiro, sinaturas e actividades infantís: así será a Feira do Libro de Ponteareas

A Feira do Libro chega o xoves, 26 de xullo, ao concello de Ponteareas co listón ben alto. O evento busca repetir o éxito do ano pasado que, nas palabras do alcalde, Xosé Represas, “superou calquera previsión”. Este ano, a feira desenvolverase na Praza Maior entre o devandito 26 de xullo e o domingo, día 29.

A inauguración correrá a cargo da escritora con ADN ponteareán, vigués e monfortino Isabel Blanco. Creadora de aventuras como “As receitas de Rosaura” ou “María Vinyals: un talento rebelde”, será a pregoeira desta edición que comezará cunha actuación musical a cargo de Miguel Alonso a partir das 20:00 horas.

A Feira do Libro de Ponteareas contará coa participación de tres librarías da vila ou a súa contorna –Ledo, Milfollas e Terra- e outras tres de diferentes puntos de Galicia –Pedreira, Lafer e Cortizas-. O horario de apertura das casetas irá de 12:00 a 14:00 e de 18:00 a 22:00 horas.

Entre as actividades, destaca un roteiro guiado pola “Seraogna” de Alfonso Pexegueiro. A visita sairá ás 10.00 horas do domingo, 29 de xullo, da Casa do Concello para percorrer un quilómetro até a casa natal do escritor ponteareán, xunto a ponte medieval do Cabalón. Na visita, na contorna do río Uma, os asistentes desprazaranse até a contorna da infancia de Pexegueiro para comprobar como esta influíu na súa obra.

Entre outras das actividades está a visita de Aladino e a lámpada máxica ou unha xornada de ilustración a cargo da Escola de Arte. Na cita tamén estarán autores como Marta Dacosta, Ramón Nicolas ou o debuxante Quico da Silva porque, nas verbas do xornalista Manrique Fernández, “a ilustración tamén é parte do libro”.

En Ponteareas, a Feira converteuse xa nunha cita indispensable na vila que permite aos libreiros presentarse a un público que habitualmente non visita os seus establecementos. Nas verbas de Nani Regueira, secretaria da Federación de Libreiros de Galicia, a feira permite “achegar o libro á rúa nun momento no que o hábito de lectura está caendo nun sector afectado pola reestruturación”.

Programación da Feira do Libro de Ponteareas

Xoves, 26 de xulloVenres, 27 de xulloSábado, 28 de xulloDomingo, 29 de xullo

20:00 h. Inauguración. Actuación de Miguel Alonso e pregón de Isabel Blanco.

12:00 h. Sinatura de “Gotas de Rocío, copos de neve”, de Finy Sesmonde na caseta de Terra
18:00 h. Presentación infantil de “O cociñeiro Martiño e as cenorias desaparecidas”, de Iago López (Xerais)
18:00 h. Sinatura de “Gotas de Rocío, copos de neve”, de Finy Sesmonde na caseta de Terra
19:00 h. Presentación de “O picoto do pai” polos alumnos do Garaxe Hermético. Participa Kico da Silva
20:00 h. Presentación de “Labirinto ou memoria” de Marta Dacosta, por Caldeirón

Másnoticias

Un nuevo festival de música transformará las calles de Ponteareas en el Nueva Orleans de los años 20

10/07/2025

La Feira do Libro llega a Ponteareas con firmas, presentaciones, juegos tradicionales y espectáculos

07/07/2025

Durante a mañá celebraranse diversas actividades infantís.

18:00 h. Presentación de “Rosaura e o mar”, de Isabel Blanco (Belagua).
19:00 h. Presentación do poemario “Desde que somos tijera y papel”, de D’Angelo. Participa o ilustrador Yelko Veiga
20:00 h. Presentación de “Lapis na noite”, de Ramón Nicolás (Xerais).
21:00 h. Presentación de “Poesía (materiais para montar unha escena de cama), de Roi Vidal (Difusora)

Xornada de ilustración a cargo da Escola de Arte

19:00 h. Presentación infantil de “Camiños” de Magín Blanco (Galaxia).
20:00 h. Presentación de “Mirequelledigo” de Manuel da Costa Pardo (Meubook)
21:00 h. Sorteo