Salceda celebra a XXX edición do festival gratuíto de bandas de música cun presidente de honra

Obras, pasodobres, xotas ou "popurris" resoarán en Salceda este sábado co seu Festival de Bandas. Un ano máis as formacións populares serán protagonistas do Verán Cultural de Salceda de Caselas, e este ano dun xeito especial, pois o Festival de Bandas de Música celebra a súa edición número trinta.

O festival, organizado polo Concello de Salceda de Caselas e a Banda Cultural de Salceda contará coa participación da Banda de Música Popular de Tui e a Banda de Música Municipal de Caldas de Reis, nunha cita con entrada de balde que se realizará no patio do CEP Altamira, ás 21:30 horas deste sábado.

Másnoticias

"Hito histórico" para O Porriño, aprueban su escudo y su bandera con estos elementos

21/07/2026

Vuelve a la plaza pública de Vialia Vigo el gran evento gastro con las hamburguesas más "top" de España

21/07/2026

Unha cita tan importante como a deste ano tiña que contar cunha conmemoración á altura. Deste xeito, o festival contará un convidado de luxo, o compositor José Alberto Pina Picazo que actuará como Presidente de Honra do Festival, convidado pola Banda Cultural de Salceda. Ademáis, a agrupación local, pechará a súa actuación cunha das obras do mestre, "El Triángulo de las Bermudas" (2009).

Outra das conmemoracións parte da dirección da propia Banda Cultural de Salceda. Ao igual que no XXV Aniversario, o Festival contará cunha peza propia, composta polo seu director Juan Lois Diéguez.

A alcaldesa de Salceda, Loli Castiñeira,  expoón que “a Banda Cultural de Salceda, foi, é e será para nós a principal liña estratéxica nas nosas políticas culturais. É un orgullo ter unha banda que nos representa polo País adiante e que leva 30 anos a organizar un festival que é xa un referente na programación de verán do noso Concello e polo que levan pasado máis de cincuenta agrupacións da península ibérica”.

Festival de Bandas de Música en Salceda 

• Data: sábado 8 de xullo
• Hora: Ás 21:30
• Lugar: No patio do CEP Altamira
• Prezo: Entrada libre ata completar aforo