Salceda prepárase para celebrar os 20 anos de desfile de Entroido

O Concello de Salceda de Caselas vén de publicar as bases para a participación no XX Desfile de Carrozas e Comparsas que se celebrará no municipio o domingo 11 de febreiro de 2018. En Salceda o Entroido é unha das súas festas máis grandes, para o que se prepara xa unha ampla programación.

Durante a semana do 22 ao 26 de xaneiro serán as agrupacións pertencentes a Salceda as que poidan formalizar a súa solicitude de participación no desfile, e na semana do 29 de xaneiro ao 02 de febreiro será a quenda para as agrupacións de outros municipios, que poderán ocupar as prazas restantes por orde de solicitude.

Másnoticias

Investigan a un joven de O Porriño que se fugó tras un grave accidente con dos heridos en Salceda

10/04/2025

Bebida gratis a cambio de tocar un instrumento en la fiesta furancheira de Salceda

31/03/2025

As agrupacións deberán estar formadas por un mínimo de 15 compoñentes, e poderán presentarse con ou sen carroza, establecéndose diferentes categorías en ámbolos dous casos. Ademais, o desfile completarase co concurso de coplas no que participan tódalas agrupacións. Todas as comparsas admitidas recibirán unha compensación económica pola súa participación, que varía entre os 100 e os 700 € en función do número de compoñentes.

A programación municipal completará o xa tradicional enfrontamento entre Castro Barreiro e A Feira, que hai xa máis de 125 anos se ven celebrando, e para o que os barrios levan xa tempo traballando arreo no maior segredismo.