O sindicalista Xosé Díaz presenta o ensaio “As contas que nos contan”

O sindicalista Xosé Díaz será o protagonista do ciclo “Venres D_letras” do mes de outubro, que terá lugar o venres, día 13, no Salón de Plenos do Concello de Ponteareas, a partir das 20.30 horas. Díaz presentará a súa última publicación, o ensaio “As contas que nos contan”, onde analiza o “papel ideolóxico das balanzas fiscais” e o seu emprego como “ferramenta recentralizadora” por parte do Estado.

O que fora presidente da Comisión de Economía na V Lexislatura do Parlamento de Galicia mantén a tese de que a sobrevaloración das balanzas fiscais fronte a outro tipo de datos económicos, ten como finalidade ofrecer unha imaxe subsidiaria do país fronte a un Estado que se presenta como fornecedor da economía galega, o que significa unha imaxe distorsionada da nosa realidade económica.

Másnoticias

Ledicia Costas recoge en Vigo su galardón como ganadora del XX Premio de Poesía Afundación

08/02/2023

Galaxia publicará en setembro “Síbaris”, o libro inédito de Domingo Villar

03/02/2023

O ciclo “Venres D_letras”, de periodicidade mensual, está organizado pola Concellería de Cultura e pretende darlle visibilidade aos autores galegos contemporáneos. No vindeiro mes contaremos coa presencia de Miguel Alonso, que nos falará da súa primeira novela “O caso Quintana”.