Susana Seivane, cabeza de cartel dos concertos de San Amaro de Matamá

Co ano 2020 aínda dando os primeiros pasos o corpo prepárase xa para as primeiras festas e romarías. Abre o calendario o San Amaro de Matamá, que ademais da programación relixiosa, celebra concertos, charangas e festa gastronómica.

A cita, que vive o seu día grande o 15 de xaneiro, prolongarase tamén durante o sábado 18 e o domingo 19. O mércores, a programación comezará ás 10:30 horas coa Charanga Vai de Baile na Praza de San Amaro e continuará ás 19:00 horas coa actuación de Storrentos e o seu rock de taberna.

Másnoticias

Uno de los escritores gallegos del momento firma su nuevo libro en Vigo, un magnicidio en A Toxa

04/06/2026

Los trenes de Vigo se verán afectados por las obras en la estación de A Coruña

04/06/2026

Xa o sábado, a programación musical xirará en torno ao Festival Folk na carpa do torreiro da festa. A música comezará a soar ás 21:00 horas cos Setecuncas para continuar con Algarabía, Folc de Coiro e Susana Seivane, unha das máximas referentes da música galega. A Matamá chegará con “Fa”, o seu último trabalo discográfico con temas como “Sabendo Miradas”, “O Primeiro Baile”, “Sentirte, Amarte” ou “Papá Pum Pum”.

A xornada dominical será o momento de desfrutar da gastronomía coa Festa do Cocido na mesma carpa do torreiro. O prezo do prato, que inclúe soa e cocido, pero non bebida, é de 15 euros e haberá amenización musical. Os interesados en acudir deberán reservar previamente nos teléfonos 615 400 310, 667 894 683 ou 696 546 404 xa que as prazas son limitadas.

De forma paralela, celebrarase a quinta edición do Festival de Teatro “Domingos de Sanamaro” no auditorio da Sociedade Atlántica. O 26 de xaneiro comezará con “Mi gran mansión” de Delatoud Produccións, o 9 de febreiro será a quenda de “Un mal día” de Teatro Lameiro e o 16 de febreiro pecharán o ciclo Teatro Atlántida con “O enfermo imaxinario”. Todas as representacións comezarán ás 19:00 horas.