A rapazada ten unha oportunidade fantástica para coñecer a importancia e a influencia de Rosalía de Castro na nosa cultura. Esta semana, na que o sábado fai 180 anos do nacemento da autora, o espectáculo de monicreques "A viaxe de Rosalía" chega a diversos puntos da xeografía galega, entre eles Vigo, Redondela, A Guarda e Tui.
É do teu interese: Un paseo literario polo Vigo de Rosalía de Castro
"A viaxe de Rosalía" é un recital onde da man da narradora e titiriteira Larraitz Urruzola e as súas maletas cargadas de monicreques, teas, zapatos e libros, os asistentes coñecerán parte da obra rosaliana e algúns dos momentos máis importantes da vida desta insigne artista galega.
O espectáculo arrincou este martes en Padrón, ás 11:00 horas, cunha actividade escolar, e este mércores "A viaxe de Rosalía" estará en El Corte Inglés de Vigo a partir das 10:30 horas. O recital retornará ao sur de Galicia tras pasar por A Coruña e Santiago este venres, 23 de febreiro, no Multiusos Miñeiral do Crego de Chapela, en Redondela (18:00 horas) mentres que ao día seguinte, sábado 24, estará na Guarda para pechar as actividades arredor de Rosalía de Castro que conmemora a localidade baixomiñota. O 'tour' do espectáculo de monicreques rematará o martes 27 de febreiro cunha actividade escolar en Tui (11:30 horas).
"A viaxe de Rosalía", de Urdime, está destinado a un público de máis de seis anos. A duración do evento que produce e protagoniza Larraitz Urruzola é de 45 minutos.
Larraitz é actriz e creadora de propostas escénicas para público infantil e familiar desde o ano 1989. De formación autodidacta e cun longo percorrido por varias compañías profesionais de teatro e títeres, destaca pola súa capacidade de conexión e comunicación co espectador. Domina varias técnicas de manipulación de títeres tanto para artes escénicas como para o formato audiovisual: Variña, sombras, guiñol, marionetas de fío, luz negra, monicreques de luva e mesa, bunraku… Ten versatilidade estética e variada tipoloxía da voz á hora de proxectar os seus personaxes. Como artista e animadora sociocultural, realiza talleres utilizando o xogo dramático como recurso para contribuír á formación integral do individuo.
"Lo vamos a ver entre cervezas, amplios, guitarras", señala un local de Churruca, que propone esta propuesta para ver el Mundial en Vigo
El Pazo de Mos acoge el concurso "Premio Estrellas de la Panadería Española 2026". ¿Está una receta del área de Vigo entre las mejores?
La orquesta París de Noia ofrecerá varias actuaciones en el área de Vigo. Forman parte de la casi veintena de fechas confirmadas en junio
Vigo acogerá un mercadillo vintage en un piso. Se podrán encontrar desde muebles y objetos de decoración hasta libros
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL