Volve a música en directo: Andrea Pousa abrirá o 9 de abril en Tui unha nova edición de Musigal

Un ano máis a música galega e en galego chegará este ano a todos os recunchos da provincia a través do programa Musigal, impulsado pola Deputación para contribuír á difusión e promoción da música galega e en galego, así como fomentar a defensa da igualdade. Neste senso, a Deputación patrocinará 55 concertos en 55 municipios de menos de 50.000 habitantes ao longo de 2021.

Andrea Pousa será a encargada de abrir a programación deste ano cun concerto que terá lugar o 9 de abril en Tui, mentres que a última cita será o 18 de decembro na Illa de Arousa, con Leilía. A maioría das actuacións terán lugar nos meses de xullo e agosto, con 22 e 18 concertos. No marco de Musigal haberá tamén dúas actuacións en maio, cinco en xuño e catro en setembro. Os meses de outubro e novembro contarán cun evento cada un.

Másnoticias

Tapas gratis, conciertos o teatro: 12 planes para el fin de semana en Vigo y área más allá del Samaín

28/10/2022

El área de Vigo se llena de conciertos gratis esta semana con cinco citas de “Música e Viño no teu Camiño”

10/10/2022

Os grupos máis solicitados foron Guadi Galego, Baiuca, Odaiko, Xabier Díaz e Adufeiras do Salitre, Budiño, Tanxuqueiras e Milladoiro, con catro concertos cada un. As actuacións serán de carácter gratuíto, facendo a cultura accesible para o conxunto da cidadanía.

Con este programa, a Deputación favorece a programación artística nos concellos, que unicamente se teñen que facer cargo dos gastos de produción da actuación (como poden ser os equipos de son e luz ou o escenario), posto que o ente provincial abona na súa totalidade o caché do espectáculo dos grupos.