Volve o Festival de Poesía do Condado: fusión de artes para “que non te silencien”

Este sábado, 1 de agosto, o Festival de Poesía do Condado celebra unha nova edición, e van trinta e dúas, cargado de reivindicación e divulgación da cultura e das artes galegas.

Co traballo de soamente seis persoas, o festival volve de novo, aínda que reducido a unha xornada. Un cambio que, porén, non afecta á calidade do evento que conxuga as diferentes facianas culturais e artísticas nunha intensa programación que arranca ás 11:00 horas do sábado no recinto amurallado de Salvaterra.

Másnoticias

Arrancan los conciertos del verano en Ponteareas con pasacalles y música a la sombra

04/07/2025

Herida una persona tras sufrir quemaduras tras el incendio en un coche en Salvaterra

26/06/2025

No ámbito da poesía, que ao fin é a corrente que da nome ao festival, este ano contarán con case unha vintena de recoñecidos escritores. Recitarán ao longo da xornada Andrea Nunes e Maria Rosendo, Antón Blanco, Berta Dávila, Claudio Pato, Elvira Ribeiro, Manuel Darriba, Nolim Gonzáleze Verónica Martínez Delgado. Ademais, “Cen mil estorniños” (Manuel Rivas, Nacho O’Jarbanzo e Tania Haupt), “The tree thin thigs” (Rochi Nóvoa, Dani Soldevilla e Puntxa) e “Vietcong” (Alexandre Losada, Luis Garrido e Dani Salgado) serán os responsables da poesía musicada.

A Casa do Conde será o punto teatral, con “Xogando ao xandrez” (12:00 horas), da man do grupo de teatro infantil “Ata sempre de Alxén” e “Anagnorise”, espectáculo de Limiar Teatro baseado nunha das obras máis coñecidas de María Victoria Moreno.

Seguindo o lema desta edición, “que non te silencien”, o festival contará cunha palestra da man de Antón Santos, David Fernández, Ses e Fernando Branco na que tratarán os recortes de liberdades, a lei Mordaza ou a aplicación do artigo 155 en Cataluña. Comezará ás 19:30 horas.

Música en directo

No apartado puramente musical, o Festival de Poesía do Condado contará cunha sesión vermú amenizada polo rapo ponteareán de Sondarúa. Mentres que dende as 22:00 horas os concertos contarán con Habelas Hainas, Rebeliom do Inframundo, Banda Xangai, e Sacha na Horta. Tamén haberá espazo para un concerto infantil co rock de Peter Punk e Brais das Hortas.