Volven as tapas con sabor a mar e música en directo en Moaña

Dende este mércores, 1 de agosto, e até o vindeiro xoves, día 30, trece establecementos do concello de Moaña participarán no programa de “Tapas días de mar”, promovido polo Concello.

O histórico roteiro de tapas, volve un ano máis para combinar creacións gastronómicas baseadas nos produtos do mar con música en directo de diferentes grupos emerxentes locais.

Másnoticias

The Times recomienda viajar a las Rías Baixas este verano y alojarse en esta idílica casa

11/01/2025

Fijan para la próxima semana las vistas de apelación por los crímenes de Jéssica Méndez y el de Tirán

11/01/2025

A ruta de tapas celebrarse de martes a venres durante todo o mes de agosto, a excepción do mércores día 15, xornada festiva e, como de costume, os bares participantes iranse alternando de tal xeito que cada día será soamente un o encargado de ofrecer a súa tapa promocional. As tapas servirante de 20:00 a 23:00 horas a un prezo único de 2,5€.

Ademais, o programa inclúe un “menú mariñeiro” para o xantar de luns a xoves na Poza da Moura e no Restaurante Mateo. No primeiro caso o prezo é de 15€ por persoa e inclúe ensalada morna de vieira, peixe espada en salsa de algas, copa de viño, pan, sobremesa e café. Pola súa parte, no segundo os comensais poderán desfrutar de navallas ou croques, paella de Moaña (arroz de mariscos), botella de Ribeiro, pan e sobremesa a un prezo de 55€ para dúas persoas.

Como de costume, o servizo de tapas estará acompañado por diferentes grupos nunha combinación musico-gastronómica pouco habitual na contorna. Nesta edición a música correrá a cargo de Vento Mareiro Forza 5, Sabela Cereijo & Isaac Garabatos, Iván Rodríguez, Super Sonic, Cata-Tonics, Jugones, Cosa de 2, Xavier Blanco, A Lo Cubano, Club Naval, William Boubeta & Limo e Lellie Kelly’s.