O cinema en formato curto é o principal protagonista do FICBUEU pero a música en directo vai gañando cada vez máis peso nun variado programa pensado para todos os públicos. Nesta undécima edición do Festival Internacional de Curtametraxes de Bueu, que se desenvolverá do 7 ao 15 de setembro, os concertos estarán encabezados por recoñecidos artistas do panorama galego e estatal, como son Xoel López, De Vacas e Paco Nogueiras, se ben haberá actuacións en directo tamén noutros momentos do certame.

Todos os concertos contarán con entrada de balde agás o de Xoel López. Trátase dunha oportunidade única para gozar da súa música nun formato íntimo, pois pouco máis de 200 persoas terán acceso ao auditorio do Centro Social do Mar para escoitalo o venres 7 de setembro, ás 22.30 horas. O coruñés, que veu movéndose entre o pop-rock alternativo e o folk clásico, está considerado un dos artistas máis representativos e influíntes da nova canción española. Baixo o seudónimo de Deluxe iniciou unha exitosa carreira que, xa co seu nome, lle merecería galardóns coma o premio ao mellor músico independente. Agora preséntanos ‘Sueños y pan’, un disco no que, tras máis de dúas décadas de traxectoria, busca o equilibrio entre a liberdade e a estabilidade. As entradas para o concerto teñen un custo de 20 euros e xa están dispoñibles na web do festival.

Másnoticias

Última oportunidad para disfrutar de un gran cocido con ruta incluida por una joya de las Rías Baixas

El "mejor plan gastronómico del otoño" se saborea en las Rías Baixas, vuelve el cocido gallego a Ons

20/10/2025

Galicia acumula 13 casos de gripe aviar con una nueva detección en una gaviota en Vigo

Detectado un nuevo foco de gripe aviar en aves silvestres en Moaña

17/10/2025

De Vacas actuará no FICBUEU o sábado 8 de setembro, ás 13 horas, nos exteriores do Centro Social do Mar. Este cuarteto musical formado por unha guitarra e tres fermosas voces versiona coñecidos hits, desde as Spice Girls ata ao Gagnam Style, pasando por Enrique Iglesias ou o o “Despacito” de Luis Fonsi, cuxa particular versión en galego, “Amodiño”, xa é viral en internet, con medio millón de reproducións. De Vacas, Premio Martín Códax da Música, combina nesta xira os seus clásicos con novo repertorio, así que non faltarán as sorpresas.

A música pensada para os máis pequenos tamén estará presente no Festival Internacional de Curtametraxes de Bueu da man de Paco Nogueiras e o seu espectáculo Radio BuleBule, que chegará ao Centro Social do Mar o 15 de setembro ás 12.30 horas. A proposta, baseada no libro-disco do mesmo título, convida a vivir a radio en directo nun divertidísimo programa cheo de humor, baile e cancións onde non faltarán as habituais seccións de informativos, deporte, meteoroloxía ou axenda cultural. Todo isto con coidadas letras e ritmos pegadizos, incentivando a participación do público cun estilo fresco e cos elementos do medio radiofónico.