A parroquia de Paramos, en Tui, continúa paseniñamente a recuperar a normalidade despois da tráxica explosión do pasado 23 de maio que afectou a centos de veciños e acabou coa vida de dúas persoas. Nesa volta a normalidade englóbase a celebración de eventos habituais, como Aspenizasfolk que chega este ano a súa sétima edición.
Este venres, 28 de setembro, e sábado, día 29, o entorno do Monte das Penizas acollerá á mellor música folk galega, dende as bandas máis consagradas ás formacións máis innovadoras e emerxentes, nun evento que terá carácter solidario.
A cita abrirase ás 21:00 horas do venres co recoñecido gaiteiro mosense Xulio Lorenzo, que volta ao festival para ofrecer a súa particular visión da música galega. Seguiralle na primeira noite os vigueses de Pelepau que conforman un dos máis afamados grupos especializados na adaptación dos temas de tradición galega á percusión.
Xa o sábado, as diferentes formas de interpretar e entender a música galega sucederanse ao longo de toda a xornada dende as 12:00 horas. Todo complementado cun xantar popular e postos de artesanía. Así, medía mañá pasarán polo recinto Os Treboeiros da Muimenta da Sobrada e Os Estralos.
A música volverá a partir das 20:30 horas despois da presentación por parte do actor e titiriteiro Andrés Giráldez. A maxia da súa palabra dará paso á maxia dunha das voces máis importantes da Galicia moderna, a da mosense Uxía. Cunha dilatada carreira que contempla a participación en máis de vinte discos, colaborou nos últimos anos en proxectos coma os musicais de Malvela e María Fumaça.
Seguiranlle na noite Repitroca coa súa visión dos grandes temas da música folk galega, Os Cuncheiros que emulan a continuidade dos vellos gaiteiros, e Os Carunchos, coa súa reivindicativa e sempre comprometida visión do país, a cultura e a lingua galega.
O recinto do festival contará cunha carpa e serviranse comidas populares: polbo, callos, chourizos... A recadación destas vendas será doada aos afectados pola explosión da pirotecnia ilegal.
"Lo vamos a ver entre cervezas, amplios, guitarras", señala un local de Churruca, que propone esta propuesta para ver el Mundial en Vigo
El Pazo de Mos acoge el concurso "Premio Estrellas de la Panadería Española 2026". ¿Está una receta del área de Vigo entre las mejores?
La orquesta París de Noia ofrecerá varias actuaciones en el área de Vigo. Forman parte de la casi veintena de fechas confirmadas en junio
Vigo acogerá un mercadillo vintage en un piso. Se podrán encontrar desde muebles y objetos de decoración hasta libros
El vigués Jorge Lens, premiado en un certamen de fotografía urbano promovido por PhotoEspaña. En una convocatoria cerca de 2.500 imágenes
No hay eventos
Puedes encontrarnos en nuestras redes sociales o, si lo prefieres, ponerte en contacto con nosotros a través de [email protected]
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal
© Hansei Media SL