A Escola de Teatro de Tomiño abre as súas portas aos adultos

A Escola Municipal de Teatro comeza este novo curso cunha importante novidade, a creación dun grupo de teatro para os adultos.

Aos tres grupos existentes, de 4 a 8 anos, de 9 a 12 anos e de 13 a 17 anos, este ano incorpórase un cuarto grupo para persoas maiores de 18 anos. Esta nova ampliación “nace da crecente demanda de persoas maiores de idade interesadas en asistir ás clases de teatro”, segundo apuntan dende o Concello.

Másnoticias

El folklore tomará Tui con conciertos, certamen de gaitas y un "Día da Muiñeira" este finde

04/07/2025

Dos playas del sur de Pontevedra sacan pecho como unas de las mejores de Galicia

03/07/2025

Cales son os horarios de adultos?

As clases de teatro para adultos teñen lugar os martes en horario de 20:30 a 22:00 horas no Auditorio de Goián.

Cantas persoas forman parte das clases?

O grupo de persoas adultas ten un máximo de 16 prazas.

Cal é o custe da actividade?

O prezo da actividade é de 15 € ao mes, aínda que existen descontos para familiares no grupo de maiores de idade.

Como podo anotarme?

As inscricións e toda a información necesaria están dispoñibles na Concellería de Cultura do Concello de Tomiño, no teléfono 986 622 001, ou na páxina web www.tomino.gal.