Os Teixugos, a pola Taça Ibérica de Slálom

Piragüistas de España e Portugal teñen unha cita ineludible esta fin de semana. Máis de 170 deportistas participarán na IX Taça Ibérica de Slálom, un evento internacional organizado polo Club Deportivo Miño-Os Teixugos e polo Azenha de Pagade-Covas co que se abre a tempada de piragüismo na modalidade de augas bravas. Trátase da competición “máis importante que se fai no noroeste peninsular a nivel de participación e de puntuación”, como resaltan dende a organización.

Nesta ocasión o club tomiñés participará con 12 deportistas, que acudirán á parroquia de Covas, no municipio de Vila Nova de Cerveira, para dar o máximo nesta competición aberta puntuable tanto para a Liga Galega de Slálom como para a Copa portuguesa. Ademais, por segundo ano consecutivo a proba forma parte da Liga Internacional do Noroeste Ibérico de Slálom, por ese motivo acoden a ela os clubs galegos e portugueses máis importantes.

Másnoticias

Ocho artistas y varias horas de música en directo en un festival de música gratuito en Tomiño

06/07/2025

Ana Peleteiro anuncia su segundo embarazo y se perderá el Campeonato del Mundo de Tokio

06/07/2025

A proba comezará o sábado 27 de xaneiro ás 11.00 horas (hora portuguesa) cos adestramentos para continuar ás 15.00 horas coas probas clasificatorias nas que os deportistas terán que render ao máis alto nivel para conseguir superar o tempo de corte neste difícil circuíto. Xa o domingo, a proba retomarase ás 11.00 horas (horas portuguesa) coas finais, que de seguro ofrecerán un importante espectáculo ao público asistente.

Este evento deportivo conta coa colaboración do Concello de Tomiño, da Cámara Municipal de Vila Nova de Cerceira, da Freguesía de Covas, da Deputación de Pontevedra, da Federación Galega de Piragüismo e da Federación Portuguesa Canoagem.