"Cecilia" castiga ás Rías Baixas con triple alerta por vento, ondas e chuvia
O temporal “Cecilia” déixase sentir con forza en Galicia. Nas últimas horas sucédense as incidencias dunha borrasca que está a provocar fortes refachos de vento e que se manterá durante practicamente toda a xornada. A situación obrigou xa a activar a alerta vermella na costa por ondas que poderían superar os oito metros, namentres que en terra mantense dobre aviso amarelo.
En terra a alerta está activada por precipitacións que poden supoñer acumulacións de até 40 litros por metro cadrado até as 18:00 horas, mentres que os refachos de vento serán superiores aos 80 km/h ao longo de toda a xornada, aínda que se prevé que a situación acougue a partir da noite. Neste senso, o BNG vén de solicitar ao Concello de Vigo que se restrinxa o acceso a todas as zonas de árbores e a parques e xardíns para evitar riscos.
O concelleiro nacionalista na cidade, Xabier Pérez Igrexas, alertou esta mañá da caída dunha árbore de gran porte no paseo de Montero Ríos e transmitiu ao goberno a necesidade de “supervisar” os traballos na noria e nos grandes ornamentos de Nadal.
Ao mediodía, os refachos de vento en Vigo xa superaron o 50 km/h mentres que no litoral de Baiona rozáronse xa o 90 km/h e en Oia chegouse aos 100 km/h. Neste xoves rexistráronse ademais 125 raios en toda a comunidade, segundo os datos de Meteogalicia.
Arestora, o 112 Galicia rexistra incidencias menores en todos os concellos da área metropolitana de Vigo. En Tui, está pechada a Ponte das Febres, en Ribadelouro, ao paso do Camiño de Santiago ante a crecida do río Louro. En Mos, a estrada que conecta Petelos co Polígono Industrial da Veigadaña mantense pechada ante un corremento de terras que cubriu o firme e imposibilita a circulación.
En Peinador, un avión de Air Europa que viaxaba dende Madrid non puido aterrar debido aos refachos de vento e viuse obrigado a volver á Barajas ante a mala situación meteorolóxica tamén aeroportos próximos. No referente ao transporte de ría, está cancelado tanto con Piratas de Nabia como con Mar de Ons.
Acaba de tronzar unha árbore en pleno paseo de Montero Ríos. Felizmente parece que nese momento non había ningunha persoa nas inmediacións. Sería bo que desde o Concello se restrinxa o acceso a parques e zonas arboradas polo forte vento. pic.twitter.com/mZdxP1xeBP
— Xabier Pérez Igrexas (@contradiscurso) November 14, 2019
Agenda
Más noticias
El Sindicato de Enfermería denuncia la sobrecarga de trabajo del personal en centros de salud de Pontevedra
Satse denuncia que hay centros de salud en los que trabajan habitualmente siete enfermeras y ahora solo hay dos profesionales
Atropello en Vigo, un coche arrolla a un peatón en la parroquia de Lavadores
Atropello en Vigo, fuentes presenciales señalan que la víctima presentaba diversas heridas y sangraba en abundancia por la nariz
Se confirma la tragedia, hallan el cuerpo sin vida del joven que desapareció el domingo en el Miño
Se han confirmado las peores noticias, hallan sin vida al joven que desapareció el domingo en la desembocadura del Miño
O Concello de Vigo amosa a maior mostra de arte galega na Casa das Artes
Un dos grandes atractivos desta nova proposta cultural en Vigo é a exhibición de grandes obras que rara vez viron a luz pública
O tour Alerta Verde leva a divulgación científica a preto de 3500 persoas en toda Galicia
Os recursos creados, entre eles un videoxogo, seguirán activos na web de Cintecx
Somos metropolitanos. Somos el digital de referencia en Vigo y su área metropolitana. No te pierdas nada. Todas las noticias de Vigo y su área: cultura, planes, deporte...
Toda la actualidad de Vigo y su área, gratis en tu WhatsApp
Saber todo lo que ocurre en Vigo y su área metropolitana es ahora más sencillo, rápido y directo gracias al nuevo servicio de alertas de WhatsApp de Metropolitano.gal